ಪಿರಿಯಾಪಟ್ಟಣದಲ್ಲಿ ಧಗಧಗನೆ ಹೊತ್ತಿ ಉರಿದ ಶಾಲಾ ಬಸ್​!

ಮೈಸೂರು: ಶಾಲಾ ಆವರಣದಲ್ಲೇ ಶಾಲಾ ಬಸ್​ ಧಗಧಗನೆ ಹೊತ್ತಿ ಉರಿದ ಘಟನೆ ಪಿರಿಯಾಪಟ್ಟಣದ ಡಿಟಿಎಂಎನ್ ಶಾಲೆಯಲ್ಲಿ ಸಂಭವಿಸಿದೆ.

ಬುಧವಾರ ಮಧ್ಯಾಹ್ನ ಶಾಲೆಯಿಂದ ಮಕ್ಕಳನ್ನು ಬಸ್​ನಲ್ಲಿ ಕರೆದೊಯ್ದ ಚಾಲಕ, ವಿದ್ಯಾರ್ಥಿಗಳನ್ನ ಅವರವರ ಮನೆ ಬಳಿ ಬಿಟ್ಟು ವಾಪಸ್​ ಬಂದಿದ್ದ. ಖಾಲಿ ಬಸ್​ ಅನ್ನು ಆವರಣದಲ್ಲಿ ನಿಲ್ಲಿಸಿ ಚಾಲಕ ಶಾಲೆಯ ಒಳಗೆ ಹೋದ ಕಲವೇ ಸಮಯದಲ್ಲಿ ಬಸ್​ನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ನೋಡನೋಡುತ್ತಿದ್ದಂತೆ ಬೆಂಕಿಯ ಕೆನ್ನಾಲಗೆಯಲ್ಲಿ ಬಸ್​ ಸುಟ್ಟು ಕರಕಲಾಗಿದೆ.

ಪಕ್ಕದಲ್ಲೇ ಇದ್ದ ಮೂರ್ನಾಲ್ಕು ಶಾಲಾ ಬಸ್​ಗಳಿಗೂ ಭಾಗಶಃ ಬೆಂಕಿ ತಗುಲಿದೆ. ಕೂಡಲೇ ಸ್ಥಳಕ್ಕೆ ಬಂದ ಅಗ್ನಿ ಶಾಮಕ ಸಿಬ್ಬಂದಿಯಿಂದ ಬೆಂಕಿ ನಂದಿಸಿದ್ದಾರೆ. ಬೆಂಕಿ ಅವಘಡ ಕೆಲಕಾಲ ಆತಂಕದ ವಾತಾವರಣ ಸೃಷ್ಟಿಸಿತ್ತು.

https://www.vijayavani.net/a-karnataka-band-declaration-time-uproar/

https://www.vijayavani.net/a-mother-dog-guards-abandoned-newborn-baby-for-the-night-rescued-from-a-field-in-chhattisgar/