ರಾಜ್ಯದಲ್ಲಿ ಹಿಂಗಾರು ಪೂರ್ವ ಮಳೆ ಚುರುಕು: ಒಂದು ವಾರ ವರುಣನ ಆರ್ಭಟ

ಬೆಂಗಳೂರು: ಅರಬ್ಬಿ ಸಮುದ್ರದಲ್ಲಿ ಉಂಟಾಗಿರುವ ವಾಯುಭಾರ ಹಾಗೂ ಬಂಗಾಳಕೊಲ್ಲಿಯಲ್ಲಿ ಉಂಟಾಗಿರುವ ಮೇಲ್ಮೈಸುಳಿಗಾಳಿ ಪರಿಣಾಮ ರಾಜ್ಯದ ಹಲವಡೆ ಸುರಿಯುತ್ತಿರುವ ಹಿಂಗಾರು ಪೂರ್ವ ಮಳೆ ಮುಂದಿನ ಒಂದು ವಾರ ಇನ್ನಷ್ಟು ಚುರುಕುಗೊಳ್ಳಲಿದೆ.

ಗುರುವಾರ ರಾತ್ರಿ ಮತ್ತು ಶುಕ್ರವಾರ ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಪೂರ್ವ ಹಿಂಗಾರು ಮಳೆ ಆರ್ಭಟಿಸಿದೆ. ತುಮಕೂರಿನ ಕುಣಿಗಲ್, ಚಿಕ್ಕಮಗಳೂರಿನ ಕಳಸದಲ್ಲಿ ತಲಾ 9, ಚಾಮರಾಜನಗರ ಮತ್ತು ಬೆಂಗಳೂರಿನ ಹೆಸರಘಟ್ಟದಲ್ಲಿ ತಲಾ 8 ಸೆಂ.ಮೀ., ಹಾಸನದ ಬೇಲೂರಿನಲ್ಲಿ 7 ಸೆಂಮೀ ಮಳೆ ಬಿದ್ದಿದೆ.

ಹಾಸನ, ಚಿಕ್ಕಮಗಳೂರು, ಕೊಡಗು, ಶಿವಮೊಗ್ಗ ಮತ್ತು ಚಾಮರಾಜನಗರದಲ್ಲಿ ಅ.15ರಿಂದ ಮುಂದಿನ 4 ದಿನ, ಚಿತ್ರದುರ್ಗ, ಬಳ್ಳಾರಿಯಲ್ಲಿ ಅ.16ರಂದು ಹಾಗೂ ಉಡುಪಿ, ದಕ್ಷಿಣ ಕನ್ನಡ ಮತ್ತು ಉತ್ತರ ಕನ್ನಡದಲ್ಲಿ ಅ.18ರಂದು ಭಾರಿ ಮಳೆ ಬೀಳುವ ಸಾಧ್ಯತೆ ಇರುವುದರಿಂದ ಹವಾಮಾನ ಇಲಾಖೆ ಯೆಲ್ಲೋ ಅಲರ್ಟ್ ಕೊಟ್ಟಿದೆ. ಉಳಿದೆಡೆ ಹಗುರದಿಂದ ಕೂಡಿದ ಸಾಧಾರಣ ಮಳೆ ಬೀಳಲಿದೆ ಎಂದು ಇಲಾಖೆ ಮಾಹಿತಿ ನೀಡಿದೆ.

ಹವಾಮಾನ ಬದಲಾವಣೆಯಿಂದ ಅ.21ರವರೆಗೆ ಮುಂಗಾರು ಮಾನ್ಸೂನ್ ಮುಂದುವರಿಯಲಿದೆ. ಬಳಿಕ, ಶುರುವಾಗುವ ಹಿಂಗಾರು ಪೂರ್ವ ಡಿ.30ರವರೆಗೆ ಬೀಳಲಿದೆ ಎಂದು ಹವಾಮಾನ ತಜ್ಞರು ಮಾಹಿತಿ ನೀಡಿದರು.

https://www.vijayavani.net/a-himachal-pradesh-assembly-election-date-announced/

https://www.vijayavani.net/a-gyanvapi-case-varanasi-court-rejects-plea-seeking-carbon-dating-of-shivling/