ಗ್ರಾಪಂ ಉಪಚುನಾವಣೆ: ಕರೊನಾ ಸೋಂಕಿಗೆ ಬಲಿಯಾಗಿದ್ದ ಅಣ್ಣನ ಸ್ಥಾನಕ್ಕೆ ತಮ್ಮ ಅವಿರೋಧ ಆಯ್ಕೆ!

ಮೈಸೂರು: ಮಹಾಮಾರಿ ಕರೊನಾ ಸೋಂಕಿಗೆ ಬಲಿಯಾದ ಅಣ್ಣನಿಂದ ತೆರವಾದ ಗ್ರಾಮ ಪಂಚಾಯಿತಿ ಸದಸ್ಯ ಸ್ಥಾನಕ್ಕೆ ತಮ್ಮನನ್ನು ಅವಿರೋಧ ಆಯ್ಕೆ ಮಾಡಲಾಗಿದೆ.

ಇಂತಹ ಭಾವನಾತ್ಮಕ ಪ್ರಸಂಗ ನಂಜನಗೂಡು ತಾಲೂಕಿನ ಕೆಂಪಿಸಿದ್ದನಹುಂಡಿ ಗ್ರಾಮ ಪಂಚಾಯಿತಿಯಲ್ಲಿ ನಡೆದಿದೆ. 2020ರ ಡಿಸೆಂಬರ್​ನಲ್ಲಿ ನಡೆದಿದ್ದ ಗ್ರಾಪಂ ಚುನಾವಣೆಯಲ್ಲಿ ಕೆಂಪಿಸಿದ್ದನಹುಂಡಿ ಗ್ರಾಪಂಗೆ ಯೋಗೇಶ್ ಸದಸ್ಯರಾಗಿ ಆಯ್ಕೆಯಾಗಿದ್ದರು. ಬಳಿಕ ಮಹಾಮಾರಿ ಕರೊನಾ ಸೋಂಕಿಗೆ ಯೋಗೇಶ್​ ಬಲಿಯಾಗಿದ್ದರು. ಇವರ ನಿಧನದಿಂದಾಗಿ ತೆರವಾಗಿದ್ದ ಗ್ರಾಪಂ ಸದಸ್ಯ ಸ್ಥಾನಕ್ಕೆ ಇದೇ ಡಿ.27ರಂದು ಉಪಚುನಾವಣೆ ನಿಗದಿಯಾಗಿತ್ತು.

ಉಪಚುನಾವಣೆಗೆ ಯೋಗೇಶ್​ರ ತಮ್ಮ ಕೆ.ಜಿ. ಆನಂದ್ ಸೇರಿ ಗ್ರಾಮದ ಮೂವರು ನಾಮಪತ್ರ ಸಲ್ಲಿಸಿದ್ದರು. ಯೋಗೇಶ್​ ಬದುಕಿದ್ದರೆ ಉಪ ಚುನಾವಣೆಯೇ ನಡೆಯುತ್ತಿರಲಿಲ್ಲ. ಯೋಗೇಶ್​ ಸ್ಥಾನವನ್ನ ಅವರ ತಮ್ಮನಿಗೆ ಬಿಟ್ಟುಕೊಡುವುದು ಸೂಕ್ತ ಎಂದು ಗ್ರಾಮದ ಮುಖಂಡರು ಅನುಕಂಪದ ಮಾತುಗಳನ್ನಾಡಿ ಇತರ ಇಬ್ಬರು ಸ್ಪರ್ಧಿಗಳಿಗೆ ಮನವರಿಕೆ ಮಾಡಿಕೊಟ್ಟಿದ್ದಾರೆ. ಕೊನೆಗೂ ಅವರಿಬ್ಬರೂ ನಾಮಪತ್ರ ವಾಪಸ್​ ಪಡೆದಿದ್ದು, ಯೋಗೇಶ್​ರ ತಮ್ಮ ಆನಂದ್​ ಅವಿರೋಧ ಆಯ್ಕೆಯಾಗಿದ್ದಾರೆ.(ದಿಗ್ವಿಜಯ ನ್ಯೂಸ್​)

https://www.vijayavani.net/a-mother-dog-guards-abandoned-newborn-baby-for-the-night-rescued-from-a-field-in-chhattisgar/

https://www.vijayavani.net/a-ramanagara-love-case-ramadevarabetta/

https://www.vijayavani.net/a-swamijis-demand-car-siren/