ಬಸವರಾಜ ಬೊಮ್ಮಾಯಿ ಚೊಚ್ಚಲ ಬಜೆಟ್​: ಸೂಟ್​ಕೇಸ್​ ಬದಲು ಫೈಲ್​ ತಂದ ಸಿಎಂ

ಬೆಂಗಳೂರು: ಚೊಚ್ಚಲ ಆಯವ್ಯಯ‘ ಮಂಡಿಸಲು ವಿಧಾನಸೌಧಕ್ಕೆ ಆಗಮಿಸಿದ ಸಿಎಂ ಬಸವರಾಜ ಬೊಮ್ಮಾಯಿ, ಸೂಟ್​ಕೇಸ್​ ಸಂಪ್ರದಾಯ ಬಿಟ್ಟು ಲೆದರ್​ ಫೈಲ್​ ಹಿಡಿದು ಆಗಮಿಸಿದರು.

ಎಂದಿನಂತೆ ಜುಬ್ಬಾ- ಪೈಜಾಮ ಧರಿಸಿರುವ ಸಿಎಂ, ಜತೆಗೆ ಇಂದು ಶಲ್ಯ ಹಾಕಿಕೊಂಡು ಆಗಮಿಸಿದರು. ಇದಕ್ಕೂ ಮುನ್ನ ರೇಸ್ ಕೋರ್ಸ್ ನಿವಾಸದಲ್ಲಿ ಬಜೆಟ್ ಪ್ರತಿಯನ್ನು ಮುಖ್ಯಮಂತ್ರಿ ಅವರಿಗೆ ಹಣಕಾಸು ಇಲಾಖೆ ಅಪರ ಮುಖ್ಯ ಕಾರ್ಯದರ್ಶಿ ಎಸ್​.ಎನ್. ಪ್ರಸಾದ್, ಕಾರ್ಯದರ್ಶಿಗಳಾದ ಎಕ್ ರೂಪ್ ಕೌರ್, ಪಿ.ಸಿ. ಜಾಫರ್ ಅಧಿಕಾರಿಗಳು ಹಸ್ತಾಂತರಿಸಿದರು. ಬಜೆಟ್​ ಪ್ರತಿಯುಳ್ಳ ಫೈಲ್​ ಹಿಡಿದು ವಿಧಾನಸೌಧಕ್ಕೆ ಬಂದ ಸಿಎಂ, ನಗುಮುಖದಲ್ಲಿ ವೀ ಸಿಂಬಲ್ ತೋರಿಸಿ ಒಳಗೆ ತೆರಳಿದರು.

https://www.vijayavani.net/cm-bommai-basavaraja-bommai-state-budget-budget-assembly-session-budget-session/