ಸುದ್ದಿ ಸರಳ ಭಾಷೆಯಲ್ಲಿ ತಿಳಿಸುವವನೆ ಪತ್ರಕರ್ತ

ಸವದತ್ತಿ: ಸುದ್ದಿಯನ್ನು ಸರಳ ಭಾಷೆಯಲ್ಲಿ ಜನರಿಗೆ ತಿಳಿಸುವ ಸಾಮರ್ಥ್ಯ ಹೊಂದಿರುವವನೇ ಸಮರ್ಥ ಪತ್ರಕರ್ತನಾಗಲು ಸಾಧ್ಯ ಎಂದು ವರದಿಗಾರ ಹೃಷಿಕೇಶ ಬಹಾದ್ದೂರ್​ ದೇಸಾಯಿ ಹೇಳಿದರು.

ಪಟ್ಟಣದ ಕೆಎಲ್​ಇ ಸಂಸ್ಥೆಯ ಎಸ್​ವಿಎಸ್​ ಬೆಳ್ಳುಬ್ಬಿ ಮಹಾವಿದ್ಯಾಲಯದ ಕನ್ನಡ ವಿಭಾಗದ ವತಿಯಿಂದ ಛಾಯಾಗ್ರಹಣ, ಪತ್ರಿಕಾ ವರದಿ ಮತ್ತು ಡಿಜಿಟಲ್​ ಮಾಧ್ಯಮ ಕುರಿತು ಶನಿವಾರ ಹಮ್ಮಿಕೊಂಡಿದ್ದ ರಾಜ್ಯಮಟ್ಟದ ಕಾರ್ಯಾಗಾರ ಮತ್ತು ೋಟೋಗ್ರಾಫಿ ಸರ್ಟಿಫಿಕೇಟ್​ ಕೋರ್ಸ್​ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಛಾಯಾಗ್ರಾಹಕ ಮಹಾಂತೇಶ ಹಿರೇಮಠ ಮಾತನಾಡಿ, ಒಂದು ಚಿತ್ರ ಸಾವಿರ ಪದಗಳಿಗೆ ಸಮ. ಛಾಯಾಗ್ರಹಣಕ್ಕೆ ಇರುವ ಶಕ್ತಿಯೇ ಅಂತಹದ್ದು. ಪದಗಳಲ್ಲಿ ಹೇಳಲಾಗದ ಮನುಷ್ಯನ ಭಾವನೆಗಳನ್ನು ಸಮರ್ಥವಾಗಿ ತೋರಿಸಬಲ್ಲದು. ಇಂದು ಛಾಯಾಗ್ರಹಣ ಸ್ಪರ್ಧಾತ್ಮಕವಾಗಿ ಬೆಳೆಯುತ್ತಿದ್ದು, ಈ ೇತ್ರದಲ್ಲಿ ಪುರುಷರಷ್ಟೇ ಅಲ್ಲದೆ ಮಹಿಳೆಯರು ಕೂಡ ಗಮನಾರ್ಹ ಸಾಧನೆ ಮಾಡುತ್ತಿದ್ದಾರೆ ಎಂದರು.

ಸಂಯೋಜಕ ಸಂತೋಷ ಎಚ್​.ಎಂ. ಡಿಜಿಟಲ್​ ಮಾಧ್ಯಮ ಕುರಿತು ತಿಳಿಸಿದರು. ಕಾರ್ಯಕ್ರಮದಲ್ಲಿ ವಿವಿಧ ಕಾಲೇಜುಗಳಿಂದ 128 ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

ರಂಗ ನಿರ್ದೇಶಕ ಜಾಕೀರ್​ ನದ್​ಾ, ಸುನಿಲ್​ ಎಸ್​.ಎಚ್​., ಪ್ರಾಚಾರ್ಯ ಡಾ.ಎನ್​.ಆರ್​.ಸವತಿಕರ ಇತರರಿದ್ದರು. ಪೂರ್ಣಿಮಾ ಹುಡೇದ ಸಂಗಡಿಗರು ಪ್ರಾರ್ಥಿಸಿದರು. ಪ್ರೊ.ಕೆ.ರಾಮರೆಡ್ಡಿ ಸ್ವಾಗತಿಸಿದರು. ಡಾ.ಎ.ಎ್​.ಬದಾಮಿ ವಂದಿಸಿದರು. ಪ್ರೀತಿ ಮಲ್ಲಾಡ ನಿರೂಪಿಸಿದರು.