ಕೈವಾರದಲ್ಲಿ ಸಂಗೀತೋತ್ಸವಕ್ಕೆ ಚಾಲನೆ: ಸ್ಥಳೀಯ ಕಲಾವಿದರು, ನಾಡಿನ ಖ್ಯಾತ ಸಂಗೀತ ವಿದ್ವಾಂಸರು ಭಾಗಿ

ಚಿಂತಾಮಣಿ: ತಾಲೂಕಿನ ಕೈವಾರದ ಯೋಗಿನಾರೇಯಣ ಮಠದಲ್ಲಿ ಇಂದಿನಿಂದ(ಜು.11) ಗುರುಪೂಜಾ ಸಂಗೀತೋತ್ಸವ ಆರಂಭವಾಗಿದ್ದು, ಮೂರು ದಿನಗಳ ಕಾಲ ನಡೆಯಲಿದೆ.

ಸೋಮವಾರ ಬೆಳಗ್ಗೆ 6ಕ್ಕೆ ಧರ್ಮಾಧಿಕಾರಿ ಡಾ.ಎಂ.ಆರ್​.ಜಯರಾಮ್​ ನೇತೃತ್ವದಲ್ಲಿ ಸಾಮೂಹಿಕ ನಾಮ ಸಂಕೀರ್ತನೆಯೊಂದಿಗೆ ಸಂಗೀತೋತ್ಸವಕ್ಕೆ ಚಾಲನೆ ನೀಡಲಾಯಿತು. ಕೋಲಾರ- ಚಿಕ್ಕಬಳ್ಳಾಪುರ ಜಿಲ್ಲೆಯ ಸ್ಥಳೀಯ ಕಲಾವಿದರ ಜತೆಗೆ ನಾಡಿನ ಖ್ಯಾತ ಸಂಗೀತ ವಿದ್ವಾಂಸರು ಭಾಗವಹಿಸಿದ್ದಾರೆ.

ಗುರುಪೂಜಾ ಸಂಗೀತೋತ್ಸವದಲ್ಲಿ ಬೊಮ್ಮಿಶೆಟ್ಟಿ ರುನಾಥ್​, ಡಿ.ಆರ್​.ರಾಜಪ್ಪ ತಂಡ, ಅದಿತಿ ಪ್ರಹ್ಲಾದ್​, ವಿನಯ್​ ಶರ್ವ ಅವರಿಂದ ಗಾಯನ, ಶ್ರೀಧರ್​ ಸಾಗರ್​ ಅವರಿಂದ ಸ್ಯಾಕ್ಸಪೋನ್​, ಚೆನ್ನೆನ ಕುನ್ನಕುಡಿ ಬಾಲಮುರಳಿಕೃಷ್ಣ, ಕೇರಳದ ಪ್ರಿನ್ಸ್​ ರಾಮವರ್ಮ, ಬೆಂಗಳೂರಿನ ಎಸ್​.ವಿ.ರಮಣಕುಮಾರ್​, ತಿರುವಾರೂರು ಭಕ್ತವತ್ಸಲಂ, ಮುಂಬೈನ ಸುಬ್ಬಲಕ್ಷ್ಮಿ ಸ್ಯಾಕ್ಸಫೋನ್​, ಚೆನ್ನೈನ ಯು.ರಾಜೇಶ್​ ಮ್ಯಾಂಡೋಲಿನ್​, ನೂಪುರ ಫೈನ್​ ಆರ್ಟ್ಸ್​ನ ರೂಪ ರಾಜೇಶ್​ ಅವರಿಂದ ಕೂಚುಪುಡಿ ನೃತ್ಯ, ಬಾಬು, ಕುಮಾರ್​ ಹಾಗೂ ಕೇರಳದ ಆನಂದ್​ ಕಣ್ಣನ್​, ಪಿ.ಎಂ.ರಂಜಿತ್​ ವಿನಾಯಕ್​, ಸ್ವಾಮಿಮಲೈ ಮುತ್ತುಕುಮಾರ್​, ಟಿ.ಜಿ.ಬಾಬು, ಗುರುನಾಥನ್​ ಅವರಿಂದ ವಿಶೇಷ ನಾದಸ್ವರ, ತವಿಲ್​ ವಾದನ ಇರಲಿದೆ.

ಕಾರ್ಯಕ್ರಮದ ಪ್ರಯುಕ್ತ ಸದ್ಗುರು ತಾತಯ್ಯನವರ ದೇವಾಲಯಕ್ಕೆ ವಿದ್ಯುತ್​ ದೀಪಾಲಂಕಾರ ಹಾಗೂ ವಿವಿಧ ಬಗೆಯ ಹೂಗಳಿಂದ ಅಲಂಕರಿಸಲಾಗಿದ್ದು, ಕಣ್ಮನ ಸೆಳೆಯುತ್ತಿದೆ.

https://www.vijayavani.net/a-vishwashanthi-ashram-vijayavithala-mahamastakabhisheka/

https://www.vijayavani.net/a-kavery-river-rangantittu-pakshidhama-rain-flood/