ಶಿವಾ ಸಂಕೇಶ್ವರ ಹಾಗೂ ಇತರ ಗಣ್ಯರು ಎಕ್ಸ್ಪೋದಲ್ಲಿ ಇರುವ 40ಕ್ಕೂ ಹೆಚ್ಚು ಮಳಿಗೆಗಳಿಗೆ ಭೇಟಿ ನೀಡಿ, ಮಾಹಿತಿ ಪಡೆದರು. ಹುಬ್ಬಳ್ಳಿ-ಧಾರವಾಡ ಹಾಗೂ ಸುತ್ತಲಿನ ನಿವೇಶನ, ಅಪಾರ್ಟಮೆಂಟ್ಗಳು, ಬ್ಯಾಂಕ್ಗಳು ನೀಡುವ ಸಾಲ ಹಾಗೂ ಇನ್ನಿತರ ವಿಷಯಗಳ ಬಗ್ಗೆ ಮಾಹಿತಿ ಪಡೆದುಕೊಂಡರು.
ಬೆಳಗ್ಗೆ 11 ಗಂಟೆಗೆ ಎಕ್ಸ್ಪೋ ಉದ್ಘಾಟನೆ ನಿಗದಿಪಡಿಸಿದ್ದರೂ, ಬೆಳಗ್ಗೆ ಸುಮಾರು 9.30ರಿಂದಲೇ ಜನರು ಎಕ್ಸ್ಪೋಕ್ಕೆ ಭೇಟಿ ನೀಡಿ, ಮಾಹಿತಿ ಪಡೆದುಕೊಳ್ಳುತ್ತಿದ್ದರು. ಮೇ 5ರವರೆಗೆ ನಡೆಯಲಿರುವ ಈ ಎಕ್ಸ್ಪೋಕ್ಕೆ ಮೊದಲ ದಿನವೇ ಸಾರ್ವಜನಿಕರಿಂದ ನಿರೀಕ್ಷೆ ಮೀರಿ ಬೆಂಬಲ ವ್ಯಕ್ತವಾಯಿತು. ಶಾಸಕರಾದ ಮಹೇಶ ಟೆಂಗಿನಕಾಯಿ, ಪ್ರದೀಪ ಶೆಟ್ಟರ್, ಮೇಯರ್ ವೀಣಾ ಬರದ್ವಾಡ, ಹುಡಾ ಅಧ್ಯಕ್ಷ ಶಾಕೀರ್ ಸನದಿ, ಪಾಲಿಕೆ ಸದಸ್ಯ ವೀರಣ್ಣ ಸವಡಿ ಹಾಗೂ ಮತ್ತಿತರ ಗಣ್ಯರು ಎಕ್ಸ್ಪೋಕ್ಕೆ ಭೇಟಿ ನೀಡಿ, ಮೆಚ್ಚುಗೆ ವ್ಯಕ್ತಪಡಿಸಿದರು.
