ಸಂಪಂಗಿರಾಮನಗರದ ಅಕ್ಕಸಾಲಿಗ ಸುನೀಲ್ ಕುಮಾರ್ ಬೌಲ್(63) ಬಂಧಿತ. 25 ವರ್ಷದಿಂದ ಅಕ್ಕಸಾಲಿಗನ ಕೆಲಸ ಮಾಡಿಕೊಂಡು ಕುಟುಂಬದ ಜತೆ ನೆಲೆಸಿದ್ದ. ಕಳೆದ ಜುಲೈನಲ್ಲಿ ಜಯನಗರ 5ನೇ ಹಂತದ ಜ್ವಾಲಮಾಲ ಜ್ಯುವೆಲರಿ ಮಾಲೀಕ ರಾಕೇಶ್ ಬೆಳ್ಳೂರು ಬಳಿ 271 ಗ್ರಾಂ ಚಿನ್ನದ ಗಟ್ಟಿ ಪಡೆದು ಆಭರಣ ಮಾಡಿಕೊಡುವುದಾಗಿ ಸುನೀಲ್ ಹೋಗಿದ್ದ. ವಾಪಸ್ ಆಭರಣ ಕೊಟ್ಟಿರಲಿಲ್ಲ. ಇದೇ ರೀತಿ ಜಯನಗರ 4ನೇ ಹಂತದ ಅಲಂಕೃತಿ ಜ್ಯುವೆಲರ್ಸ್ ಮಾಲೀಕ ರಾಜೇಶ್ ಪಥಿ ಬಳಿ 116 ಗ್ರಾಂ ಹಾಗೂ ನವರತನ್ ಜ್ಯುವೆಲರ್ಸ್ ಬಳಿ 717 ಗ್ರಾಂ ಚಿನ್ನಾಭರಣ ಪಡೆದು ಆರೋಪಿ ತಲೆಮರೆಸಿಕೊಂಡಿದ್ದ. ಈ ಬಗ್ಗೆ ಜಯನಗರ ಮತ್ತು ಕಬ್ಬನ್ ಪಾರ್ಕ್ ಠಾಣೆಯಲ್ಲಿ ಪ್ರಕರಣಗಳು ದಾಖಲಾಗಿದ್ದು, ಪ್ರತ್ಯೇಕವಾಗಿ ಪೊಲೀಸರು ಆರೋಪಿಯ ಬಂಧನಕ್ಕೆ ಬಲೆಬೀಸಿದ್ದರು. ಮತ್ತೊಂದೆಡೆ ಕುಟುಂಬ ಸದಸ್ಯರು ಸಂಪಂಗಿರಾಮನಗರ ಪೊಲೀಸ್ ಠಾಣೆಗೆ ಸುನೀಲ್ ಕುಮಾರ್ ಕಾಣೆಯಾದ ಕುರಿತು ದೂರು ನೀಡಿದ್ದರು. ಈತ ಉತ್ತರ ಪ್ರದೇಶದಲ್ಲಿ ತಲೆಮರೆಸಿಕೊಂಡಿದ್ದ.
