ಇಂದಿನಿಂದ ಅರ್ನಿದಿಷ್ಟಾವಧಿ ಹೋರಾಟ

ವಿಜಯಪುರ: ಕಾನೂನು ಬಾಹಿರವಾಗಿ ರೈತರ, ಸಂ&ಸಂಸ್ಥೆಗಳ, ಮಠಮಾನ್ಯಗಳ ಜಮೀನು, ಅಲ್ಲದೆ, ಸರ್ಕಾರಿ ಜಮೀನು, ಇತ್ಯಾದಿ ಆಸ್ತಿಗಳ ಉತಾರದಲ್ಲಿ ವಕ್ಪ್​ ಆಸ್ತಿ ಎಂದು ನಮೂದಿಸಿರುವುದನ್ನು ತಣ ತೆಗೆದು ಹಾಕುವುದು ಸೇರಿ ವಿವಿಧ ಬೇಡಿಕೆಗಳಿಗಾಗಿ ಒತ್ತಾಯಿಸಿ ನ. 4 ರಿಂದ ಬೆಳಗ್ಗೆ 11 ಕ್ಕೆ ನಗರದ ಶ್ರೀ ಸಿದ್ಧೇಶ್ವರ ದೇವಸ್ಥಾನದಿಂದ ಮೆರವಣಿಗೆ ಮೂಲಕ ತೆರಳಿ ಇಲ್ಲಿನ ಜಿಲ್ಲಾಧಿಕಾರಿ ಕಚೇರಿ ಹೊರಭಾಗದಲ್ಲಿ ಅರ್ನಿದಿಷ್ಟಾವಧಿ ಅಹೋರಾತ್ರಿ ಧರಣಿ ಆರಂಭಿಸಲಾಗುವುದು ಎಂದು ಶಾಸಕ ಬಸನಗೌಡ ಪಾಟೀಲ ಯತ್ನಾಳ ತಿಳಿಸಿದ್ದಾರೆ.

ಈಗಾಗಲೇ, ನೋಟಿಸ್​ ಕೊಟ್ಟು ಅಥವಾ ಕೊಡದೆ ಉತಾರಗಳಲ್ಲಿ ವಕ್ಫ್​ ಆಸ್ತಿ ಎಂದು ಎಂಟ್ರಿ ಮಾಡಿರುವುದನ್ನು ತೆಗೆದು ಹಾಕಬೇಕು. ಉತಾರದ ಯಾವುದೇ ಕಾಲಂದಲ್ಲಿ ಕೂಡ ವಕ್ಫ್​ ಅಂತ ಇರಬಾರದು. ಕೇವಲ ರೈತರ ಹೆಸರು ಮಾತ್ರ ಇರಬೇಕು. ಯಾವುದೇ ಆಸ್ತಿಗಳಿಗೆ ಸಂಬಂಧಿಸಿದ ತಕರಾರು ಸಾಮಾನ್ಯ ಕೋರ್ಟ್​ಗಳಲ್ಲೆ ಇತ್ಯರ್ಥ ಆಗಬೇಕು, ವಕ್ಫ್​ ನ್ಯಾಯಾಲಯಕ್ಕೆ ಅವಕಾಶ ಕಲ್ಪಿಸಬಾರದು. ವಕ್ಫ್​ ಅದಾಲತ್​ ಮಾಡುವುದರಿಂದ ಸರ್ಕಾರಿ ನ್ಯಾಯಾಲಯಕ್ಕೆ ಮಹತ್ವ ಕಡಿಮೆಯಾಗಲಿದ್ದು, ಹೀಗಾಗಿ ಎಲ್ಲಿಯೂ ವಕ್ಫ್​ ಅದಾಲತ್​ ನಡೆಸಬಾರದು ಎಂದು ಅವರು ಆಗ್ರಹಿಸಿದ್ದಾರೆ.

ಸದ್ಯ ವಕ್ಫ್​ ಅಂತ ಎಂಟ್ರಿ ಮಾಡಿದ್ದನ್ನು ತೆಗೆದು ಹಾಕುವಂತೆ ಹಾಗೂ ನೋಟಿಸ್​ಗಳನ್ನು ಹಿಂಪಡೆಯುವುದು ಮತ್ತು ಮುಂದೆಯೂ ನೋಟಿಸ್​ಗಳನ್ನು ನೀಡದಂತೆ ಜಿಲ್ಲಾಧಿಕಾರಿಗಳು ಲಿಖಿತವಾಗಿ ಆದೇಶ ಹೊರಡಿಸಬೇಕು. ವಕ್ಫ್​ ಕಾಯ್ದೆಯನ್ನೇ ರದ್ದುಪಡಿಸಬೇಕು. ಹಾಗೂ ಇಡೀ ದೇಶದ ಎಲ್ಲ ರಾಜ್ಯಗಳಲ್ಲಿನ ವಕ್ಫ್​ ಆಸ್ತಿಗಳನ್ನು ರಾಷ್ಟ್ರೀಕರಣಗೊಳಿಸಿ ದೇಶದ ಆಸ್ತಿಯೆಂದು ಸರ್ಕಾರದ ಸುಪರ್ದಿಗೆ ಪಡೆಯಬೇಕು. 1974 ರ ಮತ್ತು ತದನಂತರದ ವಕ್ಫ್​ ಗೆಜೆಟ್​ ನೋಟಿಫಿಕೇಶನ್​ಗಳನ್ನು ಹಿಂಪಡೆಯಬೇಕು. ಸದ್ಯದವರೆಗಿನ ವಕ್ಫ್​ ಗಳಿಸಿದ ಆದಾಯಗಳನ್ನು ಸರ್ಕಾರಕ್ಕೆ ಸಲ್ಲಿಸಬೇಕು. ಸುಖಾ ಸುಮ್ಮನೆ ರೈತರಿಗೆ ನೋಟಿಸ್​ ನೀಡಿದ ಮತ್ತು ಯಾರದೋ ಆಸ್ತಿಗಳನ್ನು ವಕ್ಫ್​ ಆಸ್ತಿ ಎಂದು ಎಂಟ್ರಿ ಮಾಡಿದ ಅಧಿಕಾರಿ ಹಾಗೂ ಸಿಬ್ಬಂದಿಗಳ ಮೇಲೆ ಕಾನೂನು ಕ್ರಮ ಜರುಗಿಸುವುದು ಸೇರಿ ಹಲವು ಬೇಡಿಕೆಗಳೊಂದಿಗೆ ಧರಣಿ ಹಮ್ಮಿಕೊಳ್ಳಲಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಧರಣಿಯಲ್ಲಿ ರಾಜ್ಯ ಮತ್ತು ಕೇಂದ್ರದ ನಾಯಕರುಗಳು, ಭಾಗವಹಿಸಲಿದ್ದು, ಪಾತೀತವಾಗಿ, ರೈತರು, ನಾಗರಿಕರು, ನ್ಯಾಯವಾದಿಗಳು, ಸಂ& ಸಂಸ್ಥೆಗಳ ಪದಾಧಿಕಾರಿಗಳು, ಮಠಾಧೀಶರು, ಹಿಂದೂ ದೇಶಾಭಿಮಾನಿಗಳು, ವ್ಯಾಪಾರಸ್ಥರು, ಕಾರ್ಯಕರ್ತರು, ಮುಖಂಡರುಗಳು, ಮಹಿಳೆಯರು ಜಿಲ್ಲೆಯ ಎಲ್ಲ ಗ್ರಾಮಗಳಿಂದಲೂ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಅರ್ನಿದಿಷ್ಟ ಅವಧಿಯ ಈ ಧರಣಿ ಸತ್ಯಾಗ್ರಹದ ಹೋರಾಟ ಯಶಸ್ವಿಗೊಳಿಸುವಂತೆ ಪ್ರಕಟಣೆಯ ಮೂಲಕ ಯತ್ನಾಳ ಕರೆ ನೀಡಿದ್ದಾರೆ.