ರೈತ ಸಂಪರ್ಕ ಕೇಂದ್ರದ ಅಧಿಕಾರಿಯನ್ನು ಕಚೇರಿಯ ಗೇಟ್​ಗೆ ಕಟ್ಟಿ ಅನ್ನದಾತರ ಪ್ರತಿಭಟನೆ!

ಬೀದರ್: ರೈತ ಸಂಪರ್ಕ ಕೇಂದ್ರದ ಅಧಿಕಾರಿಯನ್ನು ಕಚೇರಿಯ ಗೇಟ್​ಗೆ ಕಟ್ಟಿಹಾಕಿ ರೈತರು ಪ್ರತಿಭಟನೆ ನಡೆಸಿದ ಘಟನೆ ಔರಾದನಲ್ಲಿ ಸಂಭವಿಸಿದೆ.

ಬಿತ್ತನೆ ಬೀಜಕ್ಕಾಗಿ ಬೀದರ್​ನಲ್ಲಿ ಹಾಹಾಕಾರ ‌‌‌ಎದ್ದಿದೆ. ಮುಂಗಾರು ಆರಂಭಗೊಂಡರೂ ರೈತರಿಗೆ ಸಮರ್ಪಕವಾಗಿ ಬಿತ್ತನೆ ಬೀಜ ಸಿಗುತ್ತಿಲ್ಲ. ಸೋಯಾ ಬೀಜಕ್ಕಾಗಿ ಹಗಲು-ರಾತ್ರಿ ಎನ್ನದೇ ರೈತ ಸಂಪರ್ಕ ಕೇಂದ್ರದ ಮುಂದೆ ರೈತರು ಕಾಯುತ್ತಿದ್ದರೂ ಸಂಬಂಧಪಟ್ಟ ಅಧಿಕಾರಿಗಳು ಮಾತ್ರ ಕ್ಯಾರೆ ಎನ್ನುತ್ತಿಲ್ಲ ಎಂದು ರೈತರು ಆಗಾಗ್ಗೆ ಪ್ರತಿಭಟನೆ ಮೂಲಕ ಆಕ್ರೋಶ ಹೊರಹಾಕುತ್ತಲೇ ಇದ್ದಾರೆ.

ಬಿತ್ತನೇ ಬೀಜಕ್ಕಾಗಿ ಔರಾದ ಪಟ್ಟಣದ ರೈತ ಸಂಪರ್ಕ ಕೇಂದ್ರದ ಬಳಿ ಕಾಯುತ್ತಾ ಕುಳಿತಿದ್ದ ರೈತರು, ಅಲ್ಲಿಗೆ ಬಂದ ಅಧಿಕಾರಿ ಭೀಮರಾವ ಸಿಂಧೆರವರನ್ನು ಕಚೇರಿಯ ಗೇಟಿಗೆ ಬಟ್ಟೆಯಲ್ಲಿ ಕಟ್ಟಿಹಾಕಿ, ನಮ್ಮಗೆ ಬಿತ್ತನೆ ಬೀಜ ಕೋಡಿ ಇಲ್ಲವೇ ವಿಷ ಕೊಡಿ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಸ್ಥಳಕ್ಕೆ ಮೇಲಧಿಕಾರಿಗಳು ಬರಬೇಕು, ಸಮಸ್ಯೆಗೆ ಬಗೆಹರಿಸಬೇಕು ಎಂದು ಪಟ್ಟು ಹಿಡಿದಿದ್ದರು.

https://www.vijayavani.net/a-doctors-had-declared-dead-mother-kept-calling-the-child-and-finally-breathed/

https://www.vijayavani.net/a-veteran-actress-kavithas-son-passes-away-husband-in-critical-condition-corona/

https://www.vijayavani.net/a-maddur-shilpashri-corona-case/

https://www.vijayavani.net/a-billavaradahalli-grama-panchayat-member-ahamd-pasha-case/