ಹೊರಗಿನ ಗೊಬ್ಬರ ಬಳಸಲ್ಲ. ವಿಷಕಾರಕ ರಾಸಾಯನಿಕ ಸಿಂಪಡಿಸಲ್ಲ. ಸಹಜ ಕೃಷಿಯಲ್ಲೇ ಸಂತೃಪ್ತ ಜೀವನ ನಡೆಸುತ್ತಿರುವ ರಾಜನಾಳ ಗ್ರಾಮದ ಸಾವಯವ ಕೃಷಿಕ ರೇವಣಸಿದ್ದಪ್ಪ ಕಮಲಾಪುರ ಅವರ ಸ್ಪಷ್ಟ ಮಾತಿದು. 4.26 ಎಕರೆ ಪೈಕಿ ಒಂದೂವರೆ ಎಕರೆಯಲ್ಲಿ 35 ವರ್ಷಗಳಿಂದ ಕೆಂಪು ಬಾಳೆಯನ್ನು ಯಂತ್ರಗಳಿಲ್ಲದೆ ಎತ್ತುಗಳಿಂದಲೇ ಉಳುಮೆ ಮಾಡುತ್ತಿದ್ದಾರೆ. ಒಂದೂವರೆ ಎಕರೆಯಲ್ಲಿ ಕೆಂಪು ಬಾಳೆ, ಇನ್ನುಳಿದ ಕಡೆ ಚೆಂಡು ಹೂ ಹಾಗೂ ತರಕಾರಿ ಬೆಳೆಯುತ್ತಿದ್ದಾರೆ. ಆದರೆ ಇವರಿಗೆ ಕೆಂಪು ಬಾಳೆಯೇ ಆದಾಯದ ಮೂಲ. ರಾಜ್ಯದ ಕಮಲಾಪುರ ಪ್ರದೇಶದಲ್ಲೇ ಕೆಂಬಾಳೆ ಬೆಳೆಯುತ್ತಿದ್ದರಿಂದ ಸಹಜವೇ ಬೇಡಿಕೆ ಹೆಚ್ಚಿದೆ.ಕೆಂಬಾಳೆ ಜತೆಗೆ 3000 ಸಸಿ ಚೆಂಡು ಹೂ, ತರಕಾರಿ ಜತೆಗೆ ಹೈನುಗಾರಿಕೆಗೂ ಆದ್ಯತೆ ನೀಡಿರುವ ಬಿರಾದಾರ, ಒಂದೂವರೆ ವರ್ಷ ಬಾಳೆಗೆ ಕಾಯದೆ ಚೆಂಡು ಮತ್ತು ತರಕಾರಿಯಿಂದ ನೆಮ್ಮದಿ ಜೀವನ ಕಂಡುಕೊಳ್ಳುತ್ತಿದ್ದಾರೆ ರೈತ ರೇವಣಸಿದ್ದಪ್ಪ ಬಿರಾದಾರ (ಸಂಪರ್ಕ ಸಂಖ್ಯೆ 97413- 39363)
