ಮಕ್ಕಳಾಗಬೇಕಂದ್ರೆ ಅಭಿಷೇಕ ಮಾಡ್ಬೇಕು... ನಕಲಿ ಜ್ಯೋತಿಷಿ ಮಾತು ನಂಬಿದ ಮಹಿಳೆಯರಿಗೆ ಎದುರಾಯ್ತು ಸಂಕಷ್ಟ

ಬೆಳಗಾವಿ: ಮಕ್ಕಳಗಾದವರನ್ನೇ ಟಾರ್ಗೆಟ್​ ಮಾಡುತ್ತಿದ್ದ ನಕಲಿ ಜ್ಯೋತಿಷಿಯೊಬ್ಬ ಪೊಲೀಸರ ಬಲೆಗೆ ಬಿದ್ದಿದ್ದಾನೆ.

ರಾಯಚೂರು ಜಿಲ್ಲೆಯ ಸಿಂಧನೂರು ತಾಲೂಕಿನ ಬಸವರಾಜ ದುರ್ಗಪ್ಪ ಬುಡಬುಡಕೇರ (37) ಬಂಧಿತ ನಕಲಿ ಜ್ಯೋತಿಷಿ. ದೋಷ ನಿವಾರಣೆಗೆ ಸಂಪರ್ಕಿಸಿ ಎಂದು ರಾಮ್​ಭಟ್​ ಹೆಸರಿನಲ್ಲಿ ಭಿತ್ತಿಪತ್ರ ಮುದ್ರಿಸಿ, ಜಾಹೀರಾತು ನೀಡುತ್ತಿದ್ದ. ಕರೆ ಮಾಡುತ್ತಿದ್ದ ಮಹಿಳೆಯರಿಗೆ ಜ್ಯೋತಿಷ್ಯ ಹೇಳುತ್ತಿದ್ದ. ಅಷ್ಟೇ ಅಲ್ಲ, ಮಕ್ಕಳಾಗಬೇಕಂದರೆ ಅಭಿಷೇಕ ಮಾಡಬೇಕು ಎಂದೂ ನಂಬಿಸುತ್ತಿದ್ದ.

ಮಕ್ಕಳಾಗಿಲ್ಲ, ಏನಾದರೂ ದೋಷ ಇದೆಯೇ? ಎಂದು ಕಷ್ಟ ಹೇಳಿಕೊಳ್ಳುತ್ತಿದ್ದ ಮಹಿಳೆಯರಿಗೆ ಆನ್​ಲೈನ್​ನಲ್ಲಿ​ ಅಭಿಷೇಕ ಮಾಡಿಸುತ್ತೇವೆ, ಅಭಿಷೇಕ ಮಾಡಿದ ಬಳಿಕ ನಿಮಗೆ ಮಕ್ಕಳಾಗುತ್ತೆ ಎಂದು ನಂಬಿಸಿ 'ಫೋನ್​ ಪೇ' ಮೂಲಕ ಸಾವಿರಾರು ರೂ. ಲಪಟಾಯಿಸಿದ್ದ. ನಕಲಿ ಜ್ಯೋತಿಷಿ ಮಾತು ನಂಬಿ ಹಣ ಕಳೆದುಕೊಂಡ ಮಹಿಳೆಯರು, ಮಾನಸಿಕವಾಗಿ ಕಿರಿಕಿರಿಯನ್ನೂ ಅನುಭವಿಸಿದ್ದಾರೆ. ಹಲವರಿಗೆ ಇದೇ ರೀತಿ ವಂಚಿಸಿದ್ದ ಬಸವರಾಜ್​ ವಿರುದ್ಧ ಸಿಇಎನ್​ ಠಾಣೆಗೆ ಸಂತ್ರಸ್ತರು ದೂರು ನೀಡಿದ್ದರು. ಸಿಇಎನ್​ ಇನ್​ಸ್ಪೆಕ್ಟರ್​ ಬಿ.ಆರ್​. ಗಡ್ಡೇಕರ ಅವರು ಆರೋಪಿಯನ್ನು ಗುರುವಾರ ಬಂಧಿಸಿ, ಆತನ ಬ್ಯಾಂಕ್​ ಅಕೌಂಟ್​ ಸೀಜ್​ ಮಾಡಿದ್ದಾರೆ.

https://www.vijayavani.net/a-chamarajanagara-gundlupete-madahalli-maining-case/

https://www.vijayavani.net/a-shimoga-harsha-case-bjp-vs-congress/