ತಡೆಗೋಡೆಯಲ್ಲಿ ಬಿರುಕುಸೇತುವೆಯ ಎರಡೂ ಕಡೆ ಕಬ್ಬಿಣದ ಕಂಬಿ ಕಟ್ಟಿ ಅದಕ್ಕೆ ಸಿಮೆಂಟ್ ಹಾಕಲಾಗಿತ್ತು. ಆದರೆ, ಈಗ ಸಿಮೆಂಟ್ ಕಳಚಿದ್ದು ಕಬ್ಬಿಣದ ಸರಳುಗಳು ಕಾಣಿಸುತ್ತಿವೆ. ಜತೆಗೆ ಅಲ್ಲಲ್ಲಿ ಸಿಮೆಂಟ್ ಬಿರುಕು ಬಿಟ್ಟುಕೊಂಡಿದೆ. ಇದರಿಂದ ರಾತ್ರಿ ವೇಳೆ ವಾಹನ ಸವಾರರಿಗೆ ಸಮಸ್ಯೆಯಾಗುತ್ತಿದೆ. ಒಂದು ವೇಳೆ ವಾಹನ ಚಾಲಕನ ನಿಯಂತ್ರಣ ತಪ್ಪಿದರೆ ತಡೆಗೋಡೆ ದಾಟಿ ಕೆಳಗೆ ಬೀಳುವುದು ಖಚಿತ.ಸೇತುವೆ ಮೇಲೆ ಗಿಡಗಂಟಿಸೇತುವೆಯ ಎರಡು ಬದಿಗಳಲ್ಲಿ ಹಾಗೂ ಕೆಳಗಡೆ ಕೂಡ ವಿವಿಧ ಗಿಡ ಗಂಟಿಗಳು ಬೆಳೆದುಕೊಂಡಿವೆ. ಇದರಿಂದ ಸೇತುವೆಯ ತಡೆಗೋಡೆ ಯಾವುದು, ಗಿಡಗಂಟಿ ಯಾವುದು ಎಂದು ಗೋಚರಿಸದ ಸ್ಥಿತಿ ನಿರ್ಮಾಣವಾಗಿದೆ.ಸಂಪರ್ಕ ಸೇತುವೆಇಟ್ಟಮಡು ಗ್ರಾಮದಿಂದ ತೊರೆದೊಡ್ಡಿ, ಹೆಗ್ಗಡಗೆರೆ, ವಡ್ಡರೊದೊಡ್ಡಿ ಸೇರಿದಂತೆ ಹಲವು ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸುವ ಸೇತುವೆಯಾಗಿದೆ. ಜತೆಗೆ ಕೆಂಪನಹಳ್ಳಿ, ಹೆಗ್ಗಡಗೆರೆ ಹಾದಿಯಾಗಿ ತೊರೆದೊಡ್ಡಿಗೆ ಬಂದು ಅಲ್ಲಿಂದ ಇಟ್ಟಮಡು ಮಾರ್ಗವಾಗಿ ಹಾರೋಹಳ್ಳಿ ಮುಖ್ಯ ರಸ್ತೆಗೆ ಸಂಪರ್ಕ ಕಲ್ಪಿಸುತ್ತದೆ.
