ಧರ್ಮಸ್ಥಳಕ್ಕೆ ಪಾದಯಾತ್ರೆ ಹೋದವ ನಾಪತ್ತೆ

ಕೊಟ್ಟಿಗೆಹಾರ: ಶಿವರಾತ್ರಿಯಂದು ಧರ್ಮಸ್ಥಳಕ್ಕೆ ಪಾದಯಾತ್ರೆಗೆ ಹೊರಟಿದ್ದ ಹಾಸನ ತಾಲೂಕು ಶಾಂತಿಗ್ರಾಮದ ಗಂಗಾಧರ (50) ನಾಪತ್ತೆಯಾಗಿದ್ದಾರೆ.

ಫೆ.27ರಂದು ಗ್ರಾಮಸ್ಥರೊಂದಿಗೆ ಪಾದಯಾತ್ರೆ ತೆರಳಿದ್ದ ಗಂಗಾಧರ್​ ಕೊಟ್ಟಿಗೆಹಾರದ ನಿಸರ್ಗ ಹೋಟೆಲ್​ ಬಳಿ ವಾಸ್ತವ್ಯ ಮಾಡಿದ್ದರು. ಮರುದಿನ ಬೆಳಗ್ಗೆ ಪಾದಯಾತ್ರೆಗೆ ಹೊರಡಲು ಸಿದ್ಧರಾದಾಗ ಶೌಚಕ್ಕೆ ಹೋಗಿ ಬರುವುದಾಗಿ ಹೇಳಿದ ಹೋದ ಗಂಗಾಧರ್​ ಅರ್ಧ ಗಂಟೆ ಕಳೆದರೂ ಬಂದಿರಲಿಲ್ಲ. ಪಾದಯಾತ್ರಿಗಳ ಓಡಾಟ ಹೆಚ್ಚಿದ್ದರಿಂದ ಅವರ ಜತೆಗೆ ಹೋಗಿರಬಹುದು ಎಂದು ಭಾವಿಸಿ ಊರಿನವರು ಪಾದಯಾತ್ರೆ ಮುಂದುವರಿಸಿದ್ದರು.

ಶಾಂತಿ ಗ್ರಾಮದ ಆನಂದ ಎಂಬಾತ ಪಾದಯಾತ್ರೆ ಮುಗಿಸಿ ಊರಿಗೆ ಬಂದಾಗ ಗಂಗಾಧರ್​ ಮನೆಗೂ ಬಾರದೆ ಧರ್ಮಸ್ಥಳಕ್ಕೂ ಹೋಗದೆ ಇರುವುದು ಗೊತ್ತಾಗಿದೆ. ಗಂಗಾಧರನ ಪತ್ನಿ ಜಯಂತಿ ಬಣಕಲ್​ ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ.

https://www.vijayavani.net/a-adichunchanagiri-math-jatre/

https://www.vijayavani.net/a-gadaga-apoorva-shirura-husband-hijaj-case/