ಸರ್ಕಾರದಿಂದಲೇ ತಿಗಳ ಸಮುದಾಯದ ಅಗ್ನಿಬನ್ನಿಗರಾಯ ಜಯಂತಿ ಆಚರಣೆ: ಸಿಎಂ ಬೊಮ್ಮಾಯಿ ಘೋಷಣೆ

ತುಮಕೂರು: ತಿಗಳ ಸಮುದಾಯದ ಅಗ್ನಿ ಬನ್ನಿಗರಾಯ ಜಯಂತಿಯನ್ನು ಸರ್ಕಾರದಿಂದ ಆಚರಿಸುವುದಾಗಿ ಸಿಎಂ ಬಸವರಾಜ ಬೊಮ್ಮಾಯಿ ಘೋಷಿಸಿದರು.

ನಗರದ ಅಮಾನಿಕೆರೆ ಗಾಜಿನಮನೆಯಲ್ಲಿ ಶುಕ್ರವಾರ ಅಗ್ನಿವಂಶ ಕ್ಷತ್ರಿಯ ಸಮಾಜದ ಜಾಗೃತಿ ಸಮಾವೇಶಕ್ಕೆ ಚಾಲನೆ ನೀಡಿ ಮಾತನಾಡಿದ ಸಿಎಂ, ಮಹಾಭಾರತದಲ್ಲಿ ಸತ್ಯದ ಜತೆ ನಿಂತವರು ತಿಗಳ ಸಮುದಾಯ. ಮಹಾಭಾರತದಲ್ಲಿ ತಿಗಳ ಸಮುದಾಯದ ಬೆಂಬಲ ಇದ್ದವರು ಗೆದ್ದಿದ್ದಾರೆ, ಈ ನವಭಾರತದಲ್ಲಿಯೂ ನೀವು ಆಶೀರ್ವಾದ ಮಾಡುವವರೇ ಗೆಲ್ಲುತ್ತಾರೆ. ಆಶೀರ್ವಾದ ಮಾಡುವಾಗ ಯೋಚಿಸಿ ಮಾಡಿ, ನಿಮ್ಮ ಜತೆ ಹೆಗಲಿಗೆ ಹೆಗಲು ಕೊಟ್ಟು ನಿಲ್ಲುವವರಿಗೆ ಆಶೀರ್ವದಿಸಿ ಮಾಡಿ ಎಂದರು.

ಭಾಷಣದಿಂದ ಏನೂ ಆಗುವುದಿಲ್ಲ. ಮಣ್ಣಿನ ಜತೆ ಬದುಕುವ ತಿಗಳ ಸಮುದಾಯವೇ ತೋಟಗಾರಿಕೆ ಇಲಾಖೆ ನಿರ್ಮಾಣವಾಗಿದೆ. ಇದರ ತಳಹದಿ ತಿಗಳ ಸಮುದಾಯ. ವ್ಯಾಪಾರ ಮಾಡುವವರು ಜಗತ್ತನ್ನು ಆಳಿದರು, ಈ ಶತಮಾನದಲ್ಲಿ ಜ್ಞಾನದ ಯುಗವಾಗಿದೆ, ಮಣ್ಣಿನ ಜತೆಗಿನ ಸಂಬಂಧದ ಜತೆಗೆ ಜ್ಞಾನವನ್ನೂ ಸಂಪಾದಿಸಬೇಕು. ಎಲ್ಲ ಕ್ಷೇತ್ರದಲ್ಲಿಯೂ ಬೆಳೆಯಬೇಕು ಎಂದರು.

ಎಲ್ಲ ಸಣ್ಣಪುಟ್ಟ ಸಮುದಾಯಗಳ ಏಳಿಗೆಗೆ ಕಾರ್ಯಕ್ರಮ ರೂಪಿಸಿದ್ದೇನೆ. ಪ್ರತ್ಯೇಕವಾಗಿ ಹಣ ಮೀಸಲಿಟ್ಟಿದ್ದೇನೆ. ಹಿಂದುಳಿದ ವರ್ಗದ ಕಾರ್ಯಕ್ರಮಗಳ ಅನುಷ್ಠಾನಕ್ಕೆ ಪ್ರತ್ಯೇಕ ಸೆಲ್ ಕೂಡ ಆರಂಭಿಸಿದ್ದೇನೆ. ತಿಗಳ ಸಮುದಾಯದ ಭವನಗಳಿಗೆ 5 ಕೋಟಿ ರೂ. ನೀಡಿದ್ದೇನೆ. ಹಾಸ್ಟೆಲ್​ಗಳಲ್ಲಿ 4.45 ಕೋಟಿ ರೂ. ನೀಡಿದ್ದೇನೆ ಎಂದರು.

https://www.vijayavani.net/a-wife-complain-father-petrol-husband-fire-jigani-police-station/

https://www.vijayavani.net/a-high-court-quashed-the-pocso-case/