ವಾಹನ ಚಾಲಕರಿಗೆ ಸಂಕಷ್ಟ
ಶಾಲಾ&-ಕಾಲೇಜು ವಿದ್ಯಾರ್ಥಿಗಳಿಗೆ ಹಾಗೂ ಪಟ್ಟಣಗಳಿಗೆ ವಿವಿಧ ಕೆಲಸ ಕಾರ್ಯಗಳ ನಿಮಿತ್ರ ಹೋಗುವ ಸಾರ್ವಜನಿಕರಿಗೆ ಸಮರ್ಪಕ ಬಸ್ ಸೌಲಭ್ಯವಿಲ್ಲ. ಆಟೋಗಳನ್ನು ಅವಲಭಿಸುವ ಅನಿವಾರ್ಯತೆ ಎದುರಾಗಿದೆ. ರಸ್ತೆ ಹೊಂಡ ಗುಂಡಿ ಇರುವುದರಿಂದ ಅವರು ಬರಲು ಹಿಂದೇಟು ಹಾಕುತ್ತಿದ್ದಾರೆ. ಆಟೋದವರ ಸಂಪಾದನೆಯ ಅರ್ಧಭಾಗ ರಿಪೇರಿಗೆ ಇಡಬೇಕಾದ ದುರುವಸ್ಥೆ ಇವರದಾಗಿದೆ. ಇನ್ನು ದ್ವಿಚಕ್ರ ಸವಾರರ ಪಾಡಂತೂ ತೀರಾ ಅದ್ವಾನವಾಗಿದೆ. ಇತ್ತೀಚೆಗೆ ಬಿದ್ದ ಅಲ್ಪಸ್ವಲ್ಪ ಮಳೆಯಿಂದ ಗುಂಡಿಗಳೆಲ್ಲ ನೀರಿನಿಂದ ಆವರಿಸಿದೆ, ರಾತ್ರಿವೇಳೆ ಸಂಚರಿಸುವಾಗ ರಸ್ತೆ ಯಾವುದು, ಗುಂಡಿ ಯಾವುದು ತಿಳಿಯುವುದಿಲ್ಲ. ಹಲವು ಮಂದಿ ಬಿದ್ದು, ಆಸ್ಪತ್ರೆ ಸೇರಿರುವ ಟನೆಗಳೂ ಇವೆ.
