ಬಸವನಬಾಗೇವಾಡಿ, ಕೊಲ್ಹಾರ, ಹುಬ್ಬಳ್ಳಿ ಸೇರಿದಂತೆ ವಿವಿಧೆಡೆ ಇದೇ ಮಾರ್ಗವಾಗಿ ನಿತ್ಯ ಸಹಸ್ರಾರು ಬೃಹತ್ ವಾಹನಗಳು ಸಂಚರಿಸುತ್ತವೆ. ಇನ್ನು ಸಕ್ಕರೆ ಕಾರ್ಖಾನೆಗಳಿಗೆ ಈ ಭಾಗದ ರೈತರ ಕಬ್ಬು, ಎನ್ಟಿಪಿಸಿ ವಿದ್ಯುತ್ ಉತ್ಪಾದನೆಯ ಘನತ್ಯಾಜ್ಯ ವಸ್ತು ಹಾರುಬೂದಿ ಸಾಗಾಟ ಕೂಡ ಇದೇ ಸೇತುವೆ ಬುಡದಲ್ಲಿಯೇ ಹಾಯ್ದು ಹೋಗಬೇಕು. ಅದೆಷ್ಟೋ ವೇಳೆ ರೈತರ ಕಬ್ಬು ಸೇತುವೆಗೆ ತಾಕಿ ತುಂಡರಿಸಿ ಕ್ವಿಂಟಾಲ್ಗಟ್ಟಲೇ ರಸ್ತೆ ಮೇಲೆಯೇ ಬಿದ್ದಿರುತ್ತದೆ. ಇದರಿಂದ ರೈತರಿಗೆ ತೂಕದಲ್ಲಿ ಹಾನಿಯಾದರೆ, ಬೈಕ್ ಸವಾರರು ರಸ್ತೆ ಮೇಲೆ ಬಿದ್ದಿರುವ ಆ ಕಬ್ಬನ್ನು ಗಮನಿಸದೇ ಅಪಘಾತ ಮಾಡಿಕೊಂಡಿರುವ ಉದಾಹರಣೆಯೂ ಇದೆ. ಆದ್ದರಿಂದ ಸಂಬಂಧಪಟ್ಟವರು 3.95 ಎತ್ತರವಿರುವ ಈ ರೈಲು ಸೇತುವೆಯ ಎತ್ತರವನ್ನು ಹೆಚ್ಚಿಸಬೇಕು ಎಂದು ತೆಲಗಿ ಗ್ರಾಮದ ಅಶೋಕ ರಾಠೋಡ ಒತ್ತಾಯಿಸಿದರು.
