ನಾಯಿ ಕಡಿದ ಕೂಡಲೆ, ಬಾಲಕನನ್ನು ಆಟೋದಲ್ಲಿ ಕಿಮ್ಸ್ಗೆ ಕರೆದುಕೊಂಡು ಹೋಗಿದ್ದೆ. ‘ಸದ್ಯ ವೈದ್ಯರು ಇಲ್ಲ. ಆಮೇಲೆ ಬನ್ನಿ’ ಎಂದು ಸಿಬ್ಬಂದಿ ಹೇಳಿದರು. ಪ್ರಥಮ ಚಿಕಿತ್ಸೆಯನ್ನಾದರೂ ಮಾಡಿ ಎಂದರೂ ಮಾಡಲಿಲ್ಲ. ಆಂಬುಲೆನ್ಸ್ ಆದರೂ ಕೊಡಿ ಎಂದರೂ ಸ್ಪಂದಿಸಲಿಲ್ಲ. ಮತ್ತೆ ಆಟೋದಲ್ಲಿ ಹೋಗಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದೆ. 4 ತಾಸುಗಳ ಕಾಲ ಶಸ್ತ್ರಚಿಕಿತ್ಸೆ ಮಾಡಲಾಗಿದ್ದು, ಮೊದಲ ದಿನವೇ 60 ಸಾವಿರ ರೂ. ಶುಲ್ಕವಾಗಿದೆ. ಕಿಮ್ಸ್ನಲ್ಲಿ ಚಿಕಿತ್ಸೆ ಸಿಗದ ಕಾರಣ ಮಗನ ಪ್ರಾಣ ಉಳಿಸಲೆಂದು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದೇನೆ. ಬಡವರಾದ ನಮಗೆ ಹಣ ಹೇಗೆ ಹೊಂದಿಸಬೇಕು ಎಂಬುದು ಅರ್ಥವಾಗುತ್ತಿಲ್ಲ. ಸಂಬಂಧಪಟ್ಟವರು ಪರಿಹಾರ ನೀಡಬೇಕು ಎಂದು ಬಾಲಕ ವಿವೇಕನ ತಂದೆ ವಿಠ್ಠಲ ಡಾಂಗೆ ಪತ್ರಿಕೆ ಬಳಿ ನೋವು ತೋಡಿಕೊಂಡಿದ್ದಾರೆ.
