ಕೆಲಸದ ನಿಮಿತ್ತ ಹನೂರಿಗೆ ಆಗಮಿಸಿ ಕೆಲಸ ಮುಗಿದ ಬಳಿಕ ಊರಿಗೆ ತೆರಳುವ ವೇಳೆ ನಿಲ್ದಾಣಕ್ಕೆ ಆಗಮಿಸಿದ ಜನರು ಬಂದ್ ವಿಷಯ ತಿಳಿದರು. ಸರ್ಕಾರಿ ಬಸ್ ಬಾರದಿರುವುದನ್ನು ಮನಗಂಡು ಖಾಸಗಿ ಬಸ್ಗಳತ್ತ ಮುಖ ಮಾಡಿದರು. ಆದರೆ ಒಡೆಯರಪಾಳ್ಯ, ಪಿ.ಜಿ ಪಾಳ್ಯ, ಮಾರ್ಟಳ್ಳಿ, ಹೂಗ್ಯಂ ಶಾಗ್ಯ ಹಾಗೂ ಇತರ ಗ್ರಾಮದ ಜನರು ಬಸ್ಗಾಗಿ ಖಾಸಗಿ ಬಸ್ ನಿಲ್ದಾಣದಲ್ಲಿ ಗಂಟೆಗಟ್ಟಲೇ ಕಾದು ತೊಂದರೆ ಅನುಭವಿಸಿದರು. ಕೆಲವರು ಆಟೋಗಳ ಮೂಲಕ ತೆರಳಿದರು. ಇತ್ತ ಶಕ್ತಿ ಯೋಜನೆಯಿಂದ ಉಚಿತವಾಗಿ ಪ್ರಯಾಣಿಸುತ್ತಿದ್ದ ಮಹಿಳೆಯರು ಬಂದ್ ಎಫೆಕ್ಟ್ನಿಂದ ಖಾಸಗಿ ಬಸ್ನಲ್ಲಿ ಹಣ ನೀಡಿ ತೆರಳುವಂತಾಯಿತು. ಬಂದ್ ಹಿನ್ನೆಲೆ ಜನರ ಸಂಚಾರ ವಿರಳವಾಗಿತ್ತು. ವ್ಯಾಪಾರ ವಹಿವಾಟು ಕ್ಷೀಣಿಸಿತ್ತು. ಮುಂಜಾಗ್ರತಾ ಕ್ರಮವಾಗಿ ಹನೂರು ಹಾಗೂ ಮ.ಬೆಟ್ಟ ಬಸ್ ನಿಲ್ದಾಣದಲ್ಲಿ ಸೂಕ್ತ ಪೊಲೀಸ್ ಬಂದೋಬಸ್ತ್ ಒದಗಿಸಲಾಗಿತ್ತು.
