ಮನೆ ಮುಂದೆ ನಿಲ್ಲಿಸಿದ್ದ ರಾಯಲ್​​ ಎನ್​ಫೀಲ್ಡ್​ ಹೊತ್ತೊಯ್ದ ಕಳ್ಳರು!

ಬೆಂಗಳೂರು: ಮನೆ ಮುಂದೆ ನಿಲ್ಲಿಸಿದ್ದ ರಾಯಲ್​ ಎನ್​ಫೀಲ್ಡ್​ ಬೈಕ್​ ಅನ್ನು ಮೂವರು ಕಳ್ಳರು ರಾತ್ರೋರಾತ್ರಿ ಎತ್ತಿಕೊಂಡು ಹೋಗಿದ್ದಾರೆ. ಈ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಮೈಸೂರಿನ ಸಿದ್ಧಾರ್ಥನಗರದ ಕೆ.ಎಂ. ಪವನ್​ಕುಮಾರ್​ ಬೈಕ್​ ಕಳೆದುಕೊಂಡ ಯುವಕ. ಸಿವಿಲ್​ ಇಂಟರ್ನ್​ಶಿಪ್​ ಸಲುವಾಗಿ ಲಲಿತಾದ್ರಿಪುರದಲ್ಲಿ ಬಾಡಿಗೆ ಮನೆಯಲ್ಲಿ ನೆಲೆಸಿದ್ದಾರೆ. ಸೆ.22ರ ರಾತ್ರಿ ಊಟ ಮುಗಿಸಿಕೊಂಡು ರೂಮ್​ ಬಳಿ ಹೋದಾಗ ಮನೆ ಮುಂದೆ ನಿಲ್ಲಿಸಿದ್ದ ರಾಯಲ್​ ಎನ್​ಫೀಲ್ಡ್​ ಬೈಕ್​ ನಾಪತ್ತೆಯಾಗಿತ್ತು. ಸುತ್ತಮುತ್ತ ಹುಡುಕಾಟ ನಡೆಸಿದಾಗ ಎಲ್ಲಿಯೂ ಕಂಡಿಲ್ಲ.

ಕೊನೆಗೆ ಪಕ್ಕದ ಕಟ್ಟಡದಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮರಾ ಪರಿಶೀಲನೆ ನಡೆಸಿದಾಗ ಬೈಕ್​ ಅನ್ನು ಮೂವರು ದುಷ್ಕರ್ಮಿಗಳು ಎತ್ತಿಕೊಂಡು ಹೋಗುತ್ತಿರುವ ದೃಶ್ಯ ಸೆರೆಯಾಗಿದೆ. ಆರೋಪಿಗಳನ್ನು ಪತ್ತೆ ಮಾಡಿಕೊಡುವಂತೆ ಪೊಲೀಸ್​ ಠಾಣೆಗೆ ಪವನ್​ಕುಮಾರ್​ ದೂರು ನೀಡಿದ್ದಾರೆ. ಇದರ ಆಧಾರದ ಮೇಲೆ ಮೈಸೂರಿನ ನಝರ್​ಬಾದ್​ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.

https://www.vijayavani.net/a-kunigal-congres-hd-ranganath-v-s-sp-muddahanumegowda/

https://www.vijayavani.net/a-65-year-old-couple-love-story-wedding-in-melukote/

https://www.vijayavani.net/nanjanagudu-naviluru-grama-eranna-case/