ನಂಜನಗೂಡಲ್ಲಿ ಅಪ್ರಾಪ್ತನ ಜತೆ 3 ಮಕ್ಕಳ ತಾಯಿ ಲವ್ವಿಡವ್ವಿ! ಇವಳ ಆಸೆ ಕೇಳಿದ್ರೆ ಬೆಚ್ಚಿಬೀಳ್ತೀರಿ

ಮೈಸೂರು: ಈಕೆಗೆ ಮದ್ವೆ ಆಗಿ ಮೂರು ಮಕ್ಕಳಿದ್ದರೂ ಅಪ್ರಾಪ್ತ ಬಾಲಕನ ಜತೆ 2ನೇ ಮದುವೆ ಆಗುವ ತವಕ. ಆ ಬಾಲಕನ ಮನೆಗೆ ಬಂದು ನಮ್ಮಿಬ್ಬರಿಗೂ ಮದ್ವೆ ಮಾಡಿಕೊಡಿ ಎಂದು ಹಠ ಮಾಡಿದ್ದಾಳೆ. ಪಂಚಾಯ್ತಿಗೂ ಬಗ್ಗಿಲ್ಲ... ಅಷ್ಟೇ ಅಲ್ಲ, ಇದಕ್ಕೂ ಮುನ್ನ ಬಾಲಕನನ್ನು 3 ದಿನ ಟ್ರಿಪ್​ಗೆ ಕರೆದೊಯ್ದು ದೈಹಿಕ ಸಂಪರ್ಕವನ್ನೂ ಬೆಳೆಸಿದ್ದಾಳೆ!

ಇಂತಹ ವಿಚಿತ್ರ ಘಟನೆ ನಂಜನಗೂಡು ತಾಲೂಕಿನ ಗ್ರಾಮವೊಂದರಲ್ಲಿ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಸಾಮಾಜಿಕ ಜಾಲತಾಣದಲ್ಲಿ 35 ವರ್ಷದ ಮಹಿಳೆಗೆ 17 ವರ್ಷದ ಬಾಲಕನ ಪರಿಚಯವಾಗಿತ್ತು. ಮೊಬೈಲ್​ ನಂಬರ್​ ವಿನಿಮಯ ಮಾಡಿಕೊಂಡ ಇಬ್ಬರೂ ಪರಸ್ಪರ ಚಾಟಿಂಗ್​ ಮಾಡುತ್ತಿದ್ದರು. ಹೀಗೆ ಮೆಸೇಜ್​-ಕಾಲ್​ ಮಾಡುತ್ತಾ ಆಪ್ತರಾದ ಇಬ್ಬರೂ ಡೇಟಿಂಗ್​ ಮಾಡಲು ಶುರು ಮಾಡಿದ್ದಾರೆ.

ಬಾಲಕನ ಜತೆ ಡೇಟಿಂಗ್​ ಮಾಡುತ್ತಿದ್ದ ಮಹಿಳೆಗೆ ಈಗಾಗಲೇ ಬೇರೊಬ್ಬನ ಜತೆ ಮದುವೆ ಆಗಿದ್ದು, ಮೂವರು ಮಕ್ಕಳಿದ್ದಾರೆ. ಗಂಡನಿಂದ ದೂರವಾಗಿ ಮಕ್ಕಳ ಜತೆ ವಾಸಿಸುತ್ತಿರುವ ಮಹಿಳೆ, ಆ ಬಾಲಕನನ್ನು ಕರೆದುಕೊಂಡು 3 ದಿನ ಪ್ರವಾಸಕ್ಕೂ ಹೋಗಿ ಬಂದಿದ್ದಾಳೆ. ಪ್ರವಾಸದ ನಂತರ ವಾಪಸ್ ಮನೆಗೆ ಬಂದ ಅಪ್ರಾಪ್ತ ಬಾಲಕ, 'ನನ್ನ ಮೊಬೈಲ್ ಕಳೆದುಹೋಗಿತ್ತು. ಹಾಗಾಗಿ ನಿಮಗೆ ಕರೆ ಮಾಡಲು ಆಗಲಿಲ್ಲ' ಎಂದು ಮನೆಯರ ಬಳಿ ಕಥೆ ಕಟ್ಟಿದ್ದ. ನಂತರ ಈತನ ಮನೆಗೆ ಬಂದ ಆ ಮಹಿಳೆ, 'ನಾನು ನಿಮ್ಮ ಮಗನನ್ನ ಪ್ರೀತಿಸುತ್ತಿರುವೆ. ನಾವಿಬ್ಬರೂ 3 ದಿನ ಒಟ್ಟಿಗೆ ಇದ್ದೆವು. ನಿಮ್ಮ ಮಗನ ಜತೆ ನನ್ನ ಮದುವೆ ಮಾಡಿ' ಎಂದು ಬಾಲಕನ ಪೋಷಕರನ್ನು ಕೇಳಿಕೊಂಡಿದ್ದಾಳೆ. ಈ ವಿಷ್ಯ ಕೇಳಿ ಬೆಚ್ಚಿಬಿದ್ದ ಪಾಲಕರು, 'ಯಾರು ನೀನು? ಈ ಮದ್ವೆ ಅಸಾಧ್ಯ! ನಿನ್ನ ವಯಸ್ಸೇನು, ನನ್ನ ಮಗನ ವಯಸ್ಸೇನು? ಎಲ್ಲಿಯ ಸಂಬಂಧ' ಎಂದು ತರಾಟೆಗೆ ತೆಗೆದುಕೊಂಡಿದ್ದಾರೆ. ಆದರೂ ಪಟ್ಟು ಬಿಡದ ಆ ಮಹಿಳೆ, ಮದುವೆ ಮಾಡಿಸಿ ಎಂದು ಹಠ ಹಿಡಿದಿದ್ದಳು.

ಗ್ರಾಮಸ್ಥರು ಪಂಚಾಯಿತಿ ಮಾಡಿದರೂ ಮಹಿಳೆ ಮಾತ್ರ 'ನನ್ನ ಪ್ರಿಯಕರನ ಜತೆಗೇ ನನ್ನ ಮದ್ವೆ ಆಗಬೇಕು' ಎಂದು ಪಟ್ಟು ಹಿಡಿದ್ದಿದ್ದಳು. ಕೊನೆಗೆ ಬಾಲಕನ ಪಾಲಕರು 'ನನ್ನ ಮಗನನ್ನು ಉಳಿಸಿಕೊಡಿ' ಎಂದು ನಂಜನಗೂಡು ಗ್ರಾಮಾಂತರ ಪೊಲೀಸ್​​ ಠಾಣೆ ಮೆಟ್ಟಿಲೇರಿದ್ದಾರೆ. 3 ಮಕ್ಕಳ ತಾಯಿ ಮಹಿಳೆ ಮತ್ತು ಅಪ್ರಾಪ್ತ ಬಾಲಕ ಇಬ್ಬರೂ ದೈಹಿಕ ಸಂಪರ್ಕ ಬೆಳೆಸಿರುವುದು ಪೊಲೀಸ್ ತನಿಖೆಯಲ್ಲಿ ಗೊತ್ತಾಗಿದೆ.

https://www.vijayavani.net/a-ramanagara-love-case-ramadevarabetta/

https://www.vijayavani.net/a-mother-dog-guards-abandoned-newborn-baby-for-the-night-rescued-from-a-field-in-chhattisgar/

https://www.vijayavani.net/a-bagepalli-lovers-lodge-deathnote-police/