ದಾರಿಯುದ್ದಕ್ಕೂ ಮಗು ತುಸು ದೂರ ನಡೆದರೆ, ಅದು ಅಮ್ಮಾ ಎಂದು ಅತ್ತಾಗಲೆಲ್ಲ ಎತ್ತಿಕೊಂಡೇ ಹೆಜ್ಜೆ ಹಾಕಿದ್ದಾರೆ ಈ ಮಹಾತಾಯಿ. ಒಂದೇ ದಿನ ತುಂಬ ದೂರ ನಡೆದ ಕಾರಣ ಮಹಿಳೆಯ ಪಾದಗಳಿಗೆ ಬೊಬ್ಬೆ ಬಂದಿವೆ. ಹರಪನಹಳ್ಳಿಯ ದಾರಿ ತಪ್ಪಿ ಬೈಪಾಸ್ ಮೂಲಕ ಶುಕ್ರವಾರ ರಾತ್ರಿ 9ರ ವೇಳೆಗೆ ಎಸ್ಎಸ್ ಹೈಟೆಕ್ ಆಸ್ಪತ್ರೆ ಸಮೀಪದ ಚೆಕ್ಪೋಸ್ಟ್ ಬಳಿ ಈಕೆ ಬಂದಾಗ ಪೊಲೀಸರು ವಿಚಾರಿಸಿದ್ದಾರೆ. ಈ ವೇಳೆ ಮಗು ಚಳಿಯಿಂದ ನಡುಗುತ್ತಿತ್ತು. ಆಯಾಸದಿಂದ ಬಳಲಿತ್ತು. ತಕ್ಷಣ ತಾಯಿ, ಮಗು ಇಬ್ಬರಿಗೂ ನೀರು, ಆಹಾರ ಕೊಟ್ಟು ಪೊಲೀಸರು ಸಂತೈಸಿದ್ದಾರೆ. ಕೆಟಿಜೆ ನಗರ ಪೊಲೀಸ್ ಠಾಣೆಯ ಎಎಸ್ಐ ರಾಮಚಂದ್ರಪ್ಪ, ಸಿಬ್ಬಂದಿ ಹನುಮಂತಪ್ಪ, ನಾಗನಗೌಡ್ರು, ಶ್ರೀನಿವಾಸ್, ಪದ್ಮರಾಜ್, ನಾಗರಾಜ್ ಮಹಿಳೆಗೆ ನೆರವಾಗಿದ್ದಾರೆ. ಇದನ್ನೂ ಓದಿರಿ ಯಾರಿಗೂ ತಿಳಿಯದಂತೆ ಪ್ರೇಯಸಿಯನ್ನ ಮನೆಯಲ್ಲೇ 10 ವರ್ಷ ಅಡಗಿಸಿಟ್ಟಿದ್ದ ಪ್ರಿಯಕರ! ಆ ಕೋಣೆಯ ರಹಸ್ಯ ಬಯಲಾಗಿದ್ದೇ ರೋಚಕ
