ಮನೆಯಲ್ಲಿಯೇ ಅಂಚೆ ಮತದಾನಕ್ಕೆ ಅವಕಾಶ ಕಲ್ಪಿಸಿಕೊಡಲಾಗಿತ್ತು. ಕ್ಷೇತ್ರ ವ್ಯಾಪ್ತಿಯಲ್ಲಿ 85 ವರ್ಷ ಮೇಲ್ಪಟ್ಟ 61 ಹಾಗೂ 46 ಅಂಗವಿಕಲರು ಸೇರಿದಂತೆ ಒಟ್ಟು 107 ಮತದಾರರಿದ್ದರು. ಇವರು ನಮೂನೆ 12 (ಡಿ) ಮೂಲಕ ಮತ ಚಲಾಯಿಸಲು ಸ್ವಇಚ್ಛೆಯಿಂದ ಅವಕಾಶ ಕೋರಿದ್ದರು. ಈ ಹಿನ್ನೆಲೆಯಲ್ಲಿ ಸಹಾಯಕ ಚುನಾವಣಾಧಿಕಾರಿ ಮಲ್ಲಿಕಾರ್ಜುನ ಅವರು 7 ಮಾರ್ಗಗಳಲ್ಲಿ ವಾಹನಗಳ ಮೂಲಕ ಸೆಕ್ಟರ್ ಅಧಿಕಾರಿ, ಮತಗಟ್ಟೆ ಅಧಿಕಾರಿ, ಬಿಎಲ್ಒ ಹಾಗೂ ಪೊಲೀಸ್ ಸಿಬ್ಬಂದಿಯೊಂದಿಗೆ ಮನೆ ಮನೆಗಳಿಗೆ ತೆರಳಿ ಆರ್ಹರಿಂದ ಮತ ಚಲಾಯಿಸಿದರು. ಇನ್ನುಳಿದ 10 ಮತದಾರರಲ್ಲಿ ನೋಂದಣಿಯಾದ ಬಳಿಕ ಐದು ಜನ ಮೃತಪಟ್ಟಿದ್ದರೆ, ಇನ್ನು ಐವರು ಆಸ್ಪತ್ರೆಗೆ ದಾಖಲಾಗಿದ್ದು ಇವರಿಗೆ ಮತ ಚಲಾಯಿಸಲು ಅವಕಾಶ ನೀಡಲಾಗುವುದು ಎಂದು ಸಹಾಯಕ ಚುನಾವಣಾಧಿಕಾರಿ ತಿಳಿಸಿದ್ದಾರೆ.
