೨೪ ಗಂಟೆಯಲ್ಲಿ ೯.೦೬ ಮಿ.ಮೀ. ಮಳೆ

ಮಡಿಕೇರಿ: ಜಿಲ್ಲೆಯಲ್ಲಿ ಗುರುವಾರ ಬೆಳಗ್ಗೆ ೮.೩೦ಕ್ಕೆ ಕೊನೆಗೊಂಡಂತೆ ಕಳೆದ ೨೪ ಗಂಟೆ ಅವಧಿಯಲ್ಲಿ ಸರಾಸರಿ ೯.೦೬ ಮಿ.ಮೀ. ಮಳೆಯಾಗಿದೆ.

ಮಡಿಕೇರಿ ತಾಲೂಕಿನಲ್ಲಿ ಸರಾಸರಿ ೮.೪೩ ಮಿ.ಮೀ., ಪೊನ್ನಂಪೇಟೆ ತಾಲೂಕಿನಲ್ಲಿ ಸರಾಸರಿ ೬.೯೫ ಮಿ.ಮೀ., ಸೋಮವಾರಪೇಟೆ ತಾಲೂಕಿನಲ್ಲಿ ಸರಾಸರಿ ೨೦ ಮಿ.ಮೀ., ಕುಶಾಲನಗರ ತಾಲೂಕಿನಲ್ಲಿ ಸರಾಸರಿ ೯.೯೦ ಮಿ.ಮೀ ಮಳೆಯಾಗಿದೆ.

ಜಿಲ್ಲೆಯ ಹೋಬಳಿವಾರುಗಳಾದ ಮಡಿಕೇರಿ ಕಸಬಾ ೮, ನಾಪೋಕ್ಲು ೪.೪೦, ಸಂಪಾಜೆ ೧೧, ಭಾಗಮಂಡಲ ೧೦.೩೦, ಹುದಿಕೇರಿ ೨೭, ಶ್ರೀಮಂಗಲ ೦.೮೦, ಸೋಮವಾರಪೇಟೆ ೨೪.೪೦, ಶನಿವಾರಸಂತೆ ೧೨.೮೦, ಶಾಂತಳ್ಳಿ ೩೫, ಕೊಡ್ಲಿಪೇಟೆ ೭.೮೦, ಕುಶಾಲನಗರ ೮.೬೦, ಸುಂಟಿಕೊಪ್ಪ ೧೧.೨೦ ಮಿ.ಮೀ.ಮಳೆಯಾಗಿದೆ.

ಹಾರಂಗಿ ಜಲಾಶಯದ ನೀರಿನ ಗರಿಷ್ಠ ಮಟ್ಟ ೨,೮೫೯ ಅಡಿಗಳಿದ್ದು, ಗುರುವಾರ ೨೮೨೬.೭೮ ಅಡಿ ನೀರು ಸಂಗ್ರಹವಾಗಿದೆ. ನೀರಿನ ಒಳಹರಿವು ೫೨೦ ಕ್ಯೂಸೆಕ್ ಇದ್ದರೆ, ಹೊರ ಹರಿವು ನದಿಗೆ ೨೦೦ ಕ್ಯೂಸೆಕ್ ನೀರು ಬಿಡಲಾಗುತ್ತಿದೆ.