88.30ಲಕ್ಷ ರೂ. ಅನುದಾನದಲ್ಲಿ ಬೀದಿ ದೀಪ ಅಳವಡಿಕೆ

ಹರಪನಹಳ್ಳಿ: ಪಟ್ಟಣದ ಐ.ಬಿ.ವೃತ್ತದಿಂದ ಹರಿಹರ ವೃತ್ತದವರೆಗೆ ರಸ್ತೆ ವಿಭಜಕದಲ್ಲಿ ಹೈಟೆಕ್ ಬೀದಿ ದೀಪ ಅಳವಡಿಸಲು ಕ್ರಮ ಕೈಗೊಳ್ಳಲಾಗಿದೆ ಎಂದು ಶಾಸಕಿ ಎಂ.ಪಿ.ಲತಾ ಮಲ್ಲಿಕಾರ್ಜುನ ಹೇಳಿದರು.

ಪಟ್ಟಣದ ಪುರಸಭೆ ಬಳಿ ಹೈಟೆಕ್ ಬೀದಿ ದೀಪ ಅಳವಡಿಕೆಗೆ ಸೋಮವಾರ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದರು. 2024-25ನೇ ಸಾಲಿನಲ್ಲಿ 15ನೇ ಹಣಕಾಸು ಯೋಜನೆಯಲ್ಲಿ 88.30ಲಕ್ಷ ರೂ. ಅನುದಾನದಲ್ಲಿ ಬೀದಿ ದೀಪ ಹಾಗೂ ಕಂಬಗಳ ಅಳವಡಿಕೆ ಕ್ರಮವಹಿಸಲಾಗಿದೆ ಎಂದರು. ಪುರಸಭಾ ಸದಸ್ಯರಾದ ಮಂಜುನಾಥ ಇಜಂತಕರ್, ಲಾಟಿದಾದಾಪೀರ, ನಜೀರ, ನಾಮನಿರ್ದೇಶಿತ ಸದಸ್ಯರಾದ ಹೇಮಣ್ಣ ಮೋರಿಗೆರೆ, ಸುಮಾಜಗದೀಶ ಇತರರಿದ್ದರು.