ಅಯ್ಯಪ್ಪ ವ್ರತಧಾರಿಗಳಿಂದ 8 ಸಾವಿರ ಕಿ.ಮೀ. ಕಾಲ್ನಡಿಗೆ : ಬದರಿನಾಥದಿಂದ ಶಬರಿಮಲೆ ತನಕ ಪಾದಯಾತ್ರೆ

ಕುಂಬಳೆ: ಉತ್ತರ ಭಾರತದಿಂದ ಸುಮಾರು ಎಂಟು ಸಾವಿರ ಕಿಲೋಮೀಟರ್ ನಡೆದು ಇಬ್ಬರು ಭಕ್ತರು ಶಬರಿಮಲೆ ದೇಗುಲ ತಲುಪಿದ್ದಾರೆ. ಕಾಸರಗೋಡಿನ ಕೂಡ್ಲು ರಾಮದಾಸ್ ನಗರದ ನಿವಾಸಿಗಳಾದ ಸನತ್‌ಕುಮಾರ್ ನಾಯಕ್ ಮತ್ತು ಸಂಪತ್ ಕುಮಾರ್ ಶೆಟ್ಟಿ 223 ದಿನ ಕಾಲ್ನಡಿಗೆಯಲ್ಲಿ ಪ್ರಯಾಣಿಸಿ ವಿಶ್ವ ಶಾಂತಿಗಾಗಿ ಪ್ರಾರ್ಥನೆ ಸಲ್ಲಿಸುತ್ತಾ ಅಯ್ಯಪ್ಪ ಸ್ವಾಮಿಯ ಸನ್ನಿಧಿ ತಲುಪಿದರು.

ಇರುಮುಡಿ ಕಟ್ಟು ಹೊತ್ತು ಪರ್ವತ ಶಿಖರ ಹತ್ತಿ ಬದರಿನಾಥದಿಂದ ಪ್ರಾರಂಭಿಸಿ ವಿವಿಧ ಯಾತ್ರಾ ಕೇಂದ್ರಗಳು ಮತ್ತು ದೇವಾಲಯಗಳಿಗೆ ಭೇಟಿ ನೀಡುವ ಮೂಲಕ ಶನಿವಾರ ಶಬರಿಮಲೆ ತಲುಪಿದರು. ಈ ಪ್ರಯಾಣದ ಸಮಯದಲ್ಲಿ, ಅವರು ಶಂಕರಾಚಾರ್ಯರು ಸ್ಥಾಪಿಸಿದ ನಾಲ್ಕು ಮಠಗಳು ಮತ್ತು ಇತರ ಯಾತ್ರಾ ಕೇಂದ್ರಗಳಿಗೆ ಭೇಟಿ ನೀಡಿದರು.

ಮೇ 26ರಂದು ಕಾಸರಗೋಡಿನಿಂದ ರೈಲಿನಲ್ಲಿ ಹೊರಟು, ಬದರಿನಾಥ ತಲುಪಿ, ಜೂ.3ರಂದು ಶಬರಿಮಲೆ ಯಾತ್ರೆ ಕಾಲ್ನಡಿಗೆಯಲ್ಲಿ ಪ್ರಾರಂಭಿಸಿದರು. ಅಯೋಧ್ಯೆ, ಉಜ್ಜಯಿನಿ, ದ್ವಾರಕ, ಪುರಿ ಜಗನ್ನಾಥ, ರಾಮೇಶ್ವರಂ, ಅಚ್ಚಂಕೋವಿಲ್ ಮತ್ತು ಎರುಮೇಲಿ ಮೂಲಕ ಸನ್ನಿಧಾನ ತಲುಪಿದ್ದಾರೆ.

https://www.vijayavani.net/cleanliness-work-by-ayyappa-maladharis

https://www.vijayavani.net/chief-ministers-stance-is-welcome