7 ಗಂಟೆ ತ್ರೀ ೇಸ್​ ವಿದ್ಯುತ್​ ನೀಡಿ

ಬೆಸ್ಕಾಂ ಅಧೀಕ್ಷಕ ಇಂಜಿನಿಯರ್​ ಕಚೇರಿ ಮುಂದೆ ವಿವಿಧ ಭಾಗದ ರೈತರಿಂದ ಪ್ರತಿಭಟನೆ

ತುಮಕೂರು: ಬೇಸಿಗೆ ಆರಂಭವಾದೊಡನೆ ರೈತರಿಗೆ ಬೆಳೆ ಉಳಿಸಿಕೊಳ್ಳುವ ಸವಾಲು ಎದುರಾಗಿದೆ. ಈ ಸಂದರ್ಭದಲ್ಲಿ ಕೊಳವೆಬಾವಿಗಳಿಗೆ ಸಮರ್ಪಕವಾಗಿ ತ್ರೀ ಪೇಸ್​ ವಿದ್ಯುತ್​ ನೀಡದ ಬೆಸ್ಕಾಂ ವಿರುದ್ಧ ರೈತರ ಆಕ್ರೋಶ ವ್ಯಕ್ತವಾಗಿದ್ದು, ಚೇಳೂರು ಎಂಎಂಎಸ್​ ವ್ಯಾಪ್ತಿಯ ಗುಬ್ಬಿ ತಾಲೂಕು ಬೋರಗೊಂಡನಹಳ್ಳಿ ಮತ್ತು ಮಣ್ಣೆಮಾರಿ ಕಾವಲ್​ ಭಾಗದ ರೈತರು ಬೆಸ್ಕಾಂ ಅಧೀಕ್ಷಕ ಇಂಜಿನಿಯರ್​ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು.

ಭಾರತೀಯ ಕಿಸಾನ್​ ಸಂಘದ ಜಿಲ್ಲಾಧ್ಯಕ್ಷ ಶ್ರೀಧರ್​ ನೇತೃತ್ವದಲ್ಲಿ ರೈತರು, ಭಾರತೀಯ ಕಿಸಾನ್​ ಸಂಘದ ಗ್ರಾಮ ಶಾಖೆಗಳ ಮುಖಂಡರು ಸೋಮವಾರ ನಗರದಲ್ಲಿ ಬೆಸ್ಕಾಂ ಅಧೀಕ್ಷಕ ಇಂಜಿನಿಯರ್​ ಬಿ.ಎಲ್​.ನರಸಿಂಹಮೂರ್ತಿ ಹಾಗೂ ಕಾರ್ಯಾಪಾಲಕ ಇಂಜಿನಿಯರ್​ ಪ್ರಶಾಂತ ಕೂಡ್ಲಗಿ ಭೇಟಿಯಾಗಿ ವಿದ್ಯುತ್​ ಸಮಸ್ಯೆ ಪರಿಹರಿಸಬೇಕು ಎಂದು ಆಗ್ರಹಿಸಿದರು. ಸರ್ಕಾರ ದಿನಕ್ಕೆ 7 ಗಂಟೆ ತೀಪೇಸ್​ ವಿದ್ಯುತ್​ ರೈತರಿಗೆ ನೀಡುವುದಾಗಿ ಘೋಷಿಸಿದೆ. ಆದರೆ, ಚೇಳೂರು ಎಂಎಸ್​ಎಸ್​ ನಿಂದ ಬೋರಗೊಂಡನಹಳ್ಳಿ ಮತ್ತು ಎಂಎಂಎ ಕಾವಲ್​ ಪ್ರದೇಶದ ರೈತರ ಪಂಪ್​ ಸೆಟ್​ಗಳಿಗೆ ದಿನ ಬಿಟ್ಟು ದಿನ ಎರಡು ಗಂಟೆ ವಿದ್ಯುತ್​ ನೀಡುತ್ತಿದೆ. ಇದರಿಂದ ರೈತರಿಗೆ ಸಾಕಷ್ಟು ತೊಂದರೆಯಾಗಿದೆ. ಬೆಳೆಗಳಿಗೆ ನೀರಿಲ್ಲದೆ ಸೊರಗುತ್ತಿವೆ. ಹಾಗಾಗಿ ಸರ್ಕಾರ ಭರವಸೆಯಂತೆ ದಿನಕ್ಕೆ 7 ಗಂಟೆ ವಿದ್ಯುತ್​ ನೀಡಬೇಕು ಎಂಬುದು ಒತ್ತಾಯವಾಗಿದೆ ಎಂದರು.

ಚೇಳೂರು ಎಂ.ಎಂ.ಎಸ್​ಗೆ ಬದಲಾಗಿ, ಸಿ.ನಂದಿಹಳ್ಳಿ ಬಳಿ ಹೊಸದಾಗಿ ಎಂಎಂಎಸ್​ ನಿಮಾರ್ಣ ಮಾಡಲಾಗಿದೆ. ವಿದ್ಯುತ್​ ಸರಬರಾಜಿಗೆ ಬೇಕಾದ ಎಲ್ಲ ರೀತಿಯ ಪರಿಕರಗಳನ್ನು ಒದಗಿಸಿದ್ದರೂ ಅಧಿಕಾರಿಗಳು ಚಾರ್ಜ್​ ಮಾಡಿ ವಿದ್ಯುತ್​ ಸರಬರಾಜು ಮಾಡಲು ಹಿಂದೇಟು ಹಾಕುತ್ತಿದ್ದಾರೆ. ಚೇಳೂರು ಎಂ.ಎಂ.ಎಸ್​ನಿಂದ ಬೋರಗೊಂಡನಹಳ್ಳಿ ಮತ್ತು ಎಂ.ಎಂ.ಎ.ಕಾವಲ್​ಗೆ ಸುಮಾರು 7 ಕಿಮೀ ಅದೇ ಸಿ.ನಂದಿಹಳ್ಳಿಯಿಂದ ಕೇವಲ 2 ಕಿಮೀ ಆಗಲಿದೆ. ಸಿ.ನಂದಿಹಳ್ಳಿ ಎಂ.ಎಂ.ಎಸ್​ ಚಾರ್ಜ್​ ಮಾಡುವುದರಿಂದ ಈ ಭಾಗದ ರೈತರಿಗೆ ಹೆಚ್ಚಿನ ಅನುಕೂಲವಾಗಲಿದೆ ಎಂದು ಮನವಿ ಮಾಡಿದರು.

ಮನವಿ ಸ್ವೀಕರಿಸಿ ಮಾತನಾಡಿದ ಬೆಸ್ಕಾಂ ಅಧೀಕ್ಷಕ ಇಂಜಿನಿಯರ್​ ಎ.ಎಲ್​.ನರಸಿಂಹಮೂರ್ತಿ, ಬೋರಗೊಂಡನ ಹಳ್ಳಿ ಮತ್ತು ಎಂ.ಎಂ.ಎ.ಕಾವಲ್​ ಭಾಗದಲ್ಲಿ ಅಸಮಪರ್ಕ ವಿದ್ಯುತ್​ ಸರಬರಾಜಿನಿಂದ ತೊಂದರೆಯಾಗುತ್ತಿದೆ ಎಂದು ಮನವಿ ಸಲ್ಲಿಸಿದ್ದಾರೆ. ಅಲ್ಲದೆ ಸಮಸ್ಯೆ ಪರಿಹಾರಕ್ಕೆ ಅವರೇ ಕೆಲವು ಸಲಹೆ ನೀಡಿದ್ದಾರೆ. ಅವರ ಸಲಹೆಯಂತೆ ಈಗಾಗಲೇ ಸಂಬಂಧಪಟ್ಟ ಸೆಕ್ಷನ್​ ಅಫೀಸರ್​ ಜತೆಯೂ ಮಾತನಾಡಿದ್ದೇವೆ ಎಂದರು.

ಸಂಜೆ ವೇಳೆ ಫೀಕ್​ ಅವರ್​ನಲ್ಲಿಯೂ ಇರುವ ವಿದ್ಯುತ್​ನಲ್ಲಿ ಈ ಭಾಗದ ರೈತರಿಗೂ ದಿನಕ್ಕೆ ಬೆಳಗಿನ ಹೊತ್ತು 3 ಗಂಟೆ, ರಾತ್ರಿ ವೇಳೆ 3 ಗಂಟೆ ತ್ರೀ ಪೇಸ್​ ವಿದ್ಯುತ್​ ನೀಡಲು ಕ್ರಮ ಕೈಗೊಳ್ಳಲಾಗುವುದು. ಶೀಘ್ರದಲ್ಲಿಯೇ ಸಿ.ನಂದಿಹಳ್ಳಿ ಎಂ.ಎಂ.ಎಸ್​ನ ಚಾರ್ಜ್​ ಮಾಡಿ, ರೈತರ ಸಮಸ್ಯೆ ಬಗೆಹರಿಸಲು ಪ್ರಯತ್ನಿಸಲಾಗುವುದು ಎಂದು ಭರವಸೆ ನೀಡಿದರು. ಇರಕಸಂದ್ರ ಗ್ರಾಪಂ ಸದಸ್ಯ ಜಯಣ್ಣ, ಭಾರತೀಯ ಕಿಸಾನ್​ ಸಂಘದ ಗ್ರಾಮ ಸಮಿತಿ ಸದಸ್ಯ ಶೇಖರಪ್ಪ, ಪ್ರೇಮಕುಮಾರ್​, ಮಂಜುನಾಥ್​, ರೇಣುಕಾಸ್ವಾಮಿ, ಬಿ.ಎಸ್​.ಆನಂದಪ್ಪ, ಬಿ.ಜೆ.ಪರಮೇಶ್​, ನಿವೃತ್ತ ಶಿಕ್ಷಕ ಲಕ್ಷ$್ಮಯ್ಯ, ಶಿವರುದ್ರಯ್ಯ, ಮುಖಂಡರಾದ ರೇಣುಕಪ್ಪ, ಚಂದ್ರಯ್ಯಮಹದೇವಯ್ಯ, ರಮೇಶ್​ ಮತ್ತಿತರರು ಇದ್ದರು.