ಕಾಡಾನೆ ಜನರಿಗೆ ಹಾನಿ ಮಾಡುವುದಿಲ್ಲ, ಅರಣ್ಯ ನಾಶಕ್ಕೆ ಜನರೇ ಕಾರಣ, ಆಹಾರ ಸಿಗದ ಕಾರಣ ಆನೆ ನಾಡಿಗೆ ಬರುತ್ತದೆ. ಆನೆಗಳನ್ನು ಸ್ವಚ್ಛಂದವಾಗಿ ಕಾಡಿನಲ್ಲೇ ಇರಲು ಬಿಡಿ ಎಂಬ ಘೋಷಣೆಯೊಂದಿಗೆ ಬಾಬು ಏಕಾಂಗಿ ಪಯಣ ಆರಂಭಿಸಿದ್ದಾರೆ. ಕೇರಳದ ಅರಣ್ಯ ಇಲಾಖೆ ಸೆರೆಹಿಡಿದ ಕಾಡಾನೆಯನ್ನು ಮತ್ತೆ ಚಿನ್ನಕನಾಲ್ಗೆ ಬಿಡಬೇಕು ಎಂಬುದು ಈತನ ಬೇಡಿಕೆ. ಕೇರಳಿಗರು ಆನೆಯ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಬೇಕು. ಆನೆ ಚಿನ್ನಕನಾಲ್ ಅಥವಾ ಇಡುಕ್ಕಿಯಲ್ಲಿ ಜನರ ಮೇಲೆ ದಾಳಿ ಮಾಡಿಲ್ಲ. ದಾಳಿ ಸಾಧ್ಯತೆ ಹಿನ್ನೆಲೆಯಲ್ಲಿ ಆನೆಯನ್ನು ಸೆರೆಹಿಡಿದದ್ದು ಸರಿಯಲ್ಲ ಎಂಬುದು ಈತನ ವಾದ. ತಿರುವನಂತಪುರಂಗೆ ತೆರಳಿ, ಅರಣ್ಯ ಸಚಿವ ಎ.ಕೆ.ಶಶೀಂದ್ರನ್ ಅವರನ್ನು ಭೇಟಿ ಮಾಡಿ, ಮನವಿ ನೀಡುವುದು ತನ್ನ ಉದ್ದೇಶ ಎಂದು ಬಾಬು ಸುದ್ದಿಗಾರರಿಗೆ ತಿಳಿಸಿದ್ದಾರೆ.
