52292 ಕ್ಷಯ ರೋಗಿಗಳು ಗುಣಮುಖ

ಜಿಲ್ಲೆಯಲ್ಲಿ 1,471 ಮಂದಿ ಶ್ರೀದಲ್ಲಿಯೇ ಸೋಂಕಿನಿಂದ ಮುಕ್ತ ನಿರೀಕ್ಷೆ

ತುಮಕೂರು: ಕ್ಷಯರೋಗ ಸಂಪೂರ್ಣ ಗುಣಮುಖವಾಗುವ ರೋಗವಾಗಿದ್ದು, ಡಿಸೆಂಬರ್​-2024ರ ಅಂತ್ಯದವರೆಗೆ ಜಿಲ್ಲೆಯಲ್ಲಿ ಪತ್ತೆಯಾಗಿರುವ 64,562 ಕ್ಷಯ ರೋಗಿಗಳ ಪೈಕಿ 52,292 ರೋಗಿಗಳು ಚಿಕಿತ್ಸೆ ಪಡೆದು ರೋಗದಿಂದ ಗುಣಮುಖರಾಗಿದ್ದಾರೆ. 1471 ರೋಗಿಗಳು ಶ್ರೀದಲ್ಲಿಯೇ ರೋಗದಿಂದ ಹೊರಬರಲಿದ್ದಾರೆ.

ರಾಷ್ಟ್ರೀಯ ಕ್ಷಯ ರೋಗ ನಿಮೂರ್ಲನಾ ಕಾರ್ಯಕ್ರಮದಡಿ ಜಿಲ್ಲೆಯಲ್ಲಿ ಡಾಟ್ಸ್​ ವಿಧಾನ ಜಾರಿಗೆ ಬಂದಾಗಿನಿಂದ 2024ನೇ ಸಾಲಿನಲ್ಲಿ 2856 ಕ್ಷಯರೋಗಿಗಳನ್ನು ಪತ್ತೆ ಹಚ್ಚಿ "ಡಾಟ್ಸ್​' ಚಿಕಿತ್ಸೆಗೆ ಒಳಪಡಿಸಲಾಗಿದೆ. ಪ್ರಸ್ತುತ ಜಿಲ್ಲೆಯಾದ್ಯಂತ ಸುಮಾರು 1471 ಕ್ಷಯರೋಗಿಗಳು ಚಿಕಿತ್ಸೆಯನ್ನು ಪಡೆಯುತ್ತಿದ್ದಾರೆ.

ಕ್ಷಯರೋಗ ಬೇಗ ಪತ್ತೆ ಹಚ್ಚಿದಲ್ಲಿ ಸಾವು, -ನೋವುಗಳನ್ನು ಗಣನೀಯವಾಗಿ ಕಡಿಮೆ ಮಾಡಬಹುದಾಗಿದೆ. ಎರಡು ವಾರಕ್ಕೂ ಹೆಚ್ಚಿನ ಅವಧಿಯವರೆಗೆ ಕೆಮ್ಮು ಇರುವ ವ್ಯಕ್ತಿಯನ್ನು ಶಂಕಿತ ರೋಗಿ ಎಂದು ಪರಿಗಣಿಸಿ 2 ಬಾರಿ ಕಾ ಪರೀಕ್ಷೆಗೆ ಒಳಪಡಿಸಲಾಗುವುದು. ಕಾ ಪರೀಕ್ಷೆಯ ಮೂಲಕ ರೋಗ ಪತ್ತೆಯಾಗದಿದ್ದಲ್ಲಿ 10 ದಿನಗಳ ಸಾಮಾನ್ಯ "ಆಂಟಿಬಯೋಟಿಕ್​' ಚಿಕಿತ್ಸೆಗೊಳಪಡಿಸಲಾಗುವುದು. ನಂತರವೂ ಕೆಮ್ಮಿನ ಲಕ್ಷಣಗಳು ಹಾಗೇ ಮುಂದುವರೆದರೆ ಮರು ಕಾ ಪರೀಕ್ಷೆ ಮಾಡಲಾಗುವುದು. ಆಗಲೂ ಕ್ರಿಮಿ ಕಂಡು ಬರದಿದ್ದಲ್ಲಿ ಕ್ಷ-ಕಿರಣ ಪರೀಕ್ಷೆಗೊಳಪಡಿಸಲಾಗುತ್ತಿದೆ.

ರೋಗ ಪತ್ತೆಯಾದ ಕೂಡಲೇ ವ್ಯಕ್ತಿಯನ್ನು ಡಾಟ್ಸ್​ ಚಿಕಿತ್ಸೆಗೆ ಒಳಪಡಿಸುವುದರಿಂದ ವ್ಯಕ್ತಿಯಲ್ಲಿ ರೋಗ ಉಲ್ಬಣಾವಸ್ಥೆಗೆ ತಿರುಗುವುದನ್ನು ತಪ್ಪಿಸಬಹುದಲ್ಲದೆ, ಇತರರಿಗೆ ಸೋಂಕು ಹರಡದಂತೆ ತಡೆಯಬಹುದು. ಇದುವರೆಗಿನ ಎಲ್ಲ ಚಿಕಿತ್ಸಾ ವಿಧಾನಗಳಿಗೆ ಹೋಲಿಸಿದರೆ "ಡಾಟ್ಸ್​' ಚಿಕಿತ್ಸಾ ವಿಧಾನ ಅತ್ಯುತ್ತಮ ವಿಧಾನ ಎನ್ನಿಸಿದೆ.

ಡಾಟ್ಸ್​ ಚಿಕಿತ್ಸಾ ಕ್ರಮಗಳು: "ನೇರ ನಿಗಾವಣೆ' ಚಿಕಿತ್ಸಾ ಕ್ರಮದಲ್ಲಿ ಎಲ್ಲ ರೋಗಿಗಳಿಗೂ ಪ್ರತಿದಿನ ನೇರನಿಗಾವಣೆಗಾರರ ಸಮ್ಮುಖದಲ್ಲಿಯೇ ಔಷಧ ಸೇವನೆ ಮೂಲಕ 6ರಿಂದ 8 ತಿಂಗಳ ಕಾಲ ಔಷಧೋಪಚಾರ ನೀಡಲಾಗುತ್ತದೆ. ಪ್ರಸ್ತುತ ಜಿಲ್ಲೆಯಲ್ಲಿ ಕ್ಷಯರೋಗಿಗಳು ನೇರ ನಿಗಾವಣೆಗಾರರ ಮೂಲಕ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಎಚ್​ಐವಿ ಸೋಂಕಿತ ರೋಗಿಗಳಲ್ಲಿ ಕ್ಷಯ ತಗಲುವ ಸಾಧ್ಯತೆ ಇತರರಿಗಿಂತ 5 ಪಟ್ಟು ಹೆಚ್ಚಾಗಿರುತ್ತದೆ. ಎಲ್ಲ ಕ್ಷಯರೋಗಿಗಳು ನೇರನಿಗಾವಣೆ ಚಿಕಿತ್ಸೆಗೆ ಮುನ್ನ ಅಥವಾ ನಂತರ ಆದಷ್ಟು ಬೇಗನೆ ಕಡ್ಡಾಯವಾಗಿ ಎಚ್​ಐವಿ ರಕ್ತ ಪರೀಕ್ಷೆಗೆ ಒಳಪಡಬೇಕಾಗುತ್ತದೆ. ಪರೀಕ್ಷೆಯ ನಂತರ ಎಚ್​ಐವಿ ಸೋಂಕಿತರಿಗೆ "ಕೋಟ್ರೆೃಮಾಕ್ಸಜೋಲ್​' ಮಾತ್ರೆ ಹಾಗೂ ಎಆರ್​ಟಿ ಚಿಕಿತ್ಸೆಯ ಲಭ್ಯವಿರುತ್ತದೆ. ಕ್ಷಯರೋಗದಿಂದ ನರಳುತ್ತಿರುವ ಎಚ್​ಐವಿ ಸೋಂಕಿತರಿಗೆ ನೇರ ನಿಗಾವಣೆ ಚಿಕಿತ್ಸೆ ನೀಡಿದಲ್ಲಿ ರೋಗದಿಂದ ಗುಣ ಮುಖರಾಗುವ ಜತೆಗೆ ಇವರ ಜೀವಿತಾವಧಿಯೂ ಹೆಚ್ಚಾಗುತ್ತದೆ.

ಶೇ.10 ರೋಗಿಗಳಲ್ಲಿ ಎಚ್​ಐವಿ: ಜಿಲ್ಲೆಯಲ್ಲಿ 2008ರಿಂದಲೂ ಟಿಬಿ, ಎಚ್​ಐವಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ದು, ಈ ಕಾರ್ಯಕ್ರಮದಂತೆ ಎಲ್ಲ ಕ್ಷಯ ರೋಗಿಗಳನ್ನು ಎಚ್​ಐವಿ ಆಪ್ತ ಸಮಾಲೋಚನೆಗೆ ನಿರ್ದೇಶಿಸಲಾಗುತ್ತಿದೆ. ಟಿಬಿ-, ಎಚ್​ಐವಿ ಕಾರ್ಯಕ್ರಮದಡಿ ಪ್ರಸ್ತುತ 2024ರಲ್ಲಿ 2856 ಕ್ಷಯರೋಗಿಗಳಲ್ಲಿ 2829 ರೋಗಿಗಳಿಗೆ ಅಂದರೆ 99ರಷ್ಟು ಎಚ್​ಐವಿ ಪರೀಕ್ಷೆಗೊಳಪಡಿಸಲಾಗಿದೆ. ಇದರಿಂದ ಶೇ.10ರಷ್ಟು ಅಂದರೆ 244 ಕ್ಷಯರೋಗಿಗಳು ಎರಡೂ ರೋಗಗಳಿಂದಲೂ ಬಳಲುತ್ತಿರುವುದು ಖಾತರಿಯಾಗಿದೆ. ಪಿಎಂಡಿಟಿ ಕಾರ್ಯಕ್ರಮದಲ್ಲಿ 1780 ಕ್ಷಯರೋಗಿಗಳ ಕಫವನ್ನು ಸಿಬಿಬ್ಯಾಟ್​ ಹಾಗೂ ಕಲ್ಚರ್​ ಮತ್ತು ಸೆನ್ಸಿಟಿವಿಟಿ ಪರೀಕ್ಷೆಗೆ ಒಳಪಡಿಸಲಾಗಿದ್ದು. ಅದರಲ್ಲಿ 86 ರೋಗಿಗಳು ಡಿಆರ್​ಟಿಬಿ(ಡ್ರಗ್​ ರೆಸಿಸ್ಟೆಂಟ್​ ಟಿಬಿ) ಚಿಕಿತ್ಸೆ ಪ್ರಾರಂಭಿಸಿದ್ದಾರೆ.

ಕ್ಷಯರೋಗವನ್ನು ನಿಮೂರ್ಲನೆಗೊಳಿಸಲು ಸರ್ಕಾರಿ ಸಂಸ್ಥೆಯ ಜತೆಗೆ ಖಾಸಗಿ ವೈದ್ಯರು ಮತ್ತು ಸ್ವಯಂ ಸೇವಾ ಸಂಸ್ಥೆಗಳು ಸಕ್ರಿಯವಾಗಿ ಪಾಲ್ಗೊಂಡು ಶ್ವಾಸಕೋಶದ ಕ್ಷಯ ರೋಗಿಗಳು ಮತ್ತು ಶ್ವಾಸಕೋಶೇತರ ಕ್ಷಯರೋಗಿಗಳಿಗೆ ಉಚಿತವಾಗಿ ದೊರೆಯುವ ಡಾಟ್ಸ್​ ಚಿಕಿತ್ಸೆ ಅಳವಡಿಸುವುದರ ಮೂಲಕ ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸುತ್ತಿದ್ದಾರೆ. ಕಳೆದ ವರ್ಷ ತುಮಕೂರು ಜಿಲ್ಲೆಯ ಖಾಸಗಿ ವೈದ್ಯರು ಕಾ ಪರೀಕ್ಷೆಗೆ ಕಳುಹಿಸಿರುವ ಶಂಕಿತ ರೋಗಿಗಳಲ್ಲಿ 788 ಕ್ಷಯ ರೋಗಿಗಳು ಪತ್ತೆಯಾಗಿದ್ದಾರೆ.| ಡಾ.ಆರ್​.ವಿ.ಮೋಹನದಾಸ್​, ಜಿಲ್ಲಾ ಕ್ಷಯರೋಗ ನಿಮೂರ್ಲನಾಧಿಕಾರಿ