ಪುರೋಹಿತರು ಉಳಿಸಲಿ ಧರ್ಮ, ಸಂಸ್ಕಾರ...

ಸುಗುಣೇಂದ್ರ ತೀರ್ಥ ಶ್ರೀಪಾದರ ಕರೆ

ರಾಜಾಂಗಣದಲ್ಲಿ ಧಾರ್ಮಿಕ ಸಮಾವೇಶ

ವಿದ್ಯಾಪೀಠದ 40ನೇ ವಾರ್ಷಿಕೋತ್ಸವ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಪಾಲಕರಲ್ಲಿ ಸಂಸ್ಕಾರ ಇಲ್ಲದಿದ್ದರೆ ಮಕ್ಕಳಿಗೂ ಅದು ಲಭಿಸದು. ತಂದೆ-ತಾಯಿಯರಿಗೆ ಸಂಸ್ಕಾರ ಇಲ್ಲದಿರಲು ಕಾರಣ ಅವರ ಕುಟುಂಬದ ಪುರೋಹಿತರೇ ಆಗಿದ್ದಾರೆ. ಪೂಜೆ ಇತ್ಯಾದಿ ಕಾರ್ಯಕ್ರಮದ ನಿಮಿತ್ತ ಮನೆಗಳಿಗೆ ತೆರಳುವ ಪುರೋಹಿತರು ಮನ:ಪರಿವರ್ತನೆಯ ಕೆಲಸ ಮಾಡುತ್ತಿಲ್ಲ. ಇದರಿಂದಾಗಿಯೇ ದೇಶದಲ್ಲಿಂದು ಧರ್ಮ ಅವನತಿಯತ್ತ ಸಾಗುತ್ತಿದೆ. ಈ ನ್ಯೂನತೆ ಸರಿಪಡಿಸಿಕೊಂಡು ಧರ್ಮ-ಸಂಸ್ಕಾರ ಉಳಿಸಲು ಯಾವುದೇ ಸಂಕೋಚವಿಲ್ಲದೆ ಪುರೋಹಿತರು ಮಾರ್ಗದರ್ಶನ ಮಾಡಬೇಕು ಎಂದು ಪರ್ಯಾಯ ಪುತ್ತಿಗೆ ಸುಗುಣೇಂದ್ರ ತೀರ್ಥ ಶ್ರೀಪಾದರು ಕರೆ ನೀಡಿದರು.

ಪೌರೋಹಿತ್ಯ ಪ್ರವೃತ್ತಿಯಾಗಲಿ

ಮಕ್ಕಳನ್ನು ವಿದ್ಯಾಪೀಠಕ್ಕೆ ಕಳುಹಿಸಿ

ಪುತ್ತಿಗೆ ವಿದ್ಯಾರ್ಥಿಗಳು ವೇದಘೋಷ ನಡೆಸಿದರು. ಪುತ್ತಿಗೆ ವಿದ್ಯಾಪೀಠದ ಪ್ರಾಚಾರ್ಯ ಶ್ರೀನಿಧಿ ಆಚಾರ್ಯ ಪ್ರಾಸ್ತಾವಿಕವಾಗಿ ಮಾತನಾಡಿದರು. ವಿದ್ವಾನ್​ ಡಾ. ಬಿ.ಗೋಪಾಲ ಆಚಾರ್ಯ ಕಾರ್ಯಕ್ರಮ ನಿರೂಪಿಸಿದರು. ಸುನೀಲ ಆಚಾರ್ಯ ವಂದಿಸಿದರು.

ಸನಾತನ ಧರ್ಮ ನಾಶಕ್ಕೆ ವ್ಯವಸ್ಥಿತ ಪಿತೂರಿ

ವಿವಿಧ ಧಾರ್ಮಿಕ ಕಾರ್ಯಕ್ರಮ

ಸುಗುಣೇಂದ್ರ ಶ್ರೀ, ಕಿರಿಯ ಶಿಷ್ಯ ಸುಶ್ರೀಂದ್ರ ಶ್ರೀ ಹಾಗೂ ವಿದ್ಯಾಪ್ರಸನ್ನ ಶ್ರೀಗಳ ಉಪಸ್ಥಿತಿಯಲ್ಲಿ ಬೆಳಗ್ಗೆ ವಿವಿಧ ಧಾರ್ಮಿಕ ಕಾರ್ಯಕ್ರಮ ನೆರವೇರಿತು. ಬೆಳಗ್ಗೆ 6:30ಕ್ಕೆ ಪುತ್ತಿಗೆ ವಿದ್ಯಾಪೀಠದ ಹಳೆಯ ವಿದ್ಯಾರ್ಥಿಗಳಿಂದ 51 ಕುಂಡಗಳಲ್ಲಿ ವ್ಯಾಸ ಯಾಗ ಜರುಗಿತು. 'ವಿಪ್ರ ಮಕ್ಕಳಲ್ಲಿ ಧರ್ಮ ಶ್ರದ್ಧೆಯ ಪ್ರವರ್ಧನೆ ಹೇಗೆ?' ಎಂಬ ವಿಚಾರಗೋಷ್ಠಿ, ಪುತ್ತಿಗೆ ವಿದ್ಯಾಪೀಠದ 40ನೇ ವಾರ್ಷಿಕೋತ್ಸವ ಸಮಾರಂಭ, ಕರಾವಳಿ ಸಂಸ್ಕೃತ ಪ್ರತಿಭಾ ಪ್ರದರ್ಶನ ಆಯೋಜಿಸಲಾಗಿತ್ತು. 'ಮಕ್ಕಳಲ್ಲಿ ಸಂಸತಿಯ ಜಾಗೃತಿ ಹೇಗೆ?' ಮತ್ತು 'ವಿಪ್ರ ಮಕ್ಕಳಲ್ಲಿ ಧರ್ಮ ಶ್ರದ್ಧೆಯ ಪ್ರವರ್ಧನ ಹೇಗೆ?' ಎಂಬ ವಿಷಯ ಕುರಿತು ಚಿಂತನ-ಮಂಥನ, ಶ್ರೀ ಪುತ್ತಿಗೆ ಸುಗುಣ ಸ್ಕೂಲ್​ನ ಪ್ರಥಮ ವಾರ್ಷಿಕೋತ್ಸವ, ಸಾಧಕರಿಗೆ ಸನ್ಮಾನ ಮತ್ತು ಚಿಣ್ಣರಿಂದ ಸಾಂಸ್ಕೃತಿಕ ವೈವಿಧ್ಯ ಕಾರ್ಯಕ್ರಮ ನಡೆದವು.