ಜಿಲ್ಲೆಯಲ್ಲಿ ಆಧಾರ ಲಿಂಕ್ ಆಗದೇ ಇರುವ ಒಟ್ಟು 4,081 ಫಲಾನುಭವಿಗಳಿದ್ದಾರೆ. ಅವರ ಪಟ್ಟಿಯನ್ನು ಫಲಾನುಭವಿಗಳ ಪಟ್ಟಿಯನ್ನು ನಿರ್ದೇಶನಾಲಯದಿಂದ ಕಳುಹಿಸಿಕೊಡಲಾಗಿದೆ. ಕಾರವಾರ-342, ಅಂಕೋಲಾ-202, ಕುಮಟಾ-339, ಹೊನ್ನಾವರ-554, ಭಟ್ಕಳ-510, ಶಿರಸಿ-395, ಸಿದ್ದಾಪುರ-143, ಯಲ್ಲಾಪುರ-24, ಮುಂಡಗೋಡ-405, ಹಳಿಯಾಳ-314, ಜೊಯಿಡಾ-234, ದಾಂಡೇಲಿ-402 ಫಲಾನುಭವಿಗಳಿದ್ದಾರೆ.
ಅವರ ಹೆಸರು ಹಾಗೂ ಮಾಹಿತಿಯು ಸಂಬಂಧಿಸಿದ ತಾಲೂಕು ಕಚೇರಿಗಳಿಗೆ ಕಳಿಸಿಕೊಡಲಾಗಿದೆ. ಪಟ್ಟಿಯಲ್ಲಿರುವ ಫಲಾನುಭವಿಗಳು ತಮ್ಮ ಖಾತೆ ಇರುವ ಬ್ಯಾಂಕ್, ಅಂಚೆ ಕಚೇರಿಗೆ ತೆರಳಿ ತುರ್ತಾಗಿ ಈ ಕೂಡಲೇ ತಮ್ಮ ಆಧಾರ ನಂಬರನ್ನು ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಿಸುವ ಬಗ್ಗೆ, ಎನ್ಪಿಸಿಐ ಮ್ಯಾಪಿಂಗ್ ಮಾಡಿಸುವ ಬಗ್ಗೆ ಹಾಗೂ ಬ್ಯಾಂಕ್, ಅಂಚೆ ಕಚೇರಿ ಖಾತೆಯು ಚಾಲನೆಯಲ್ಲಿಲ್ಲದಿದ್ದರೆ ಅದನ್ನು ಚಾಲನೆ ಮಾಡಿಸಲು ಕ್ರಮ ವಹಿಸಬೇಕು. ಸೆ. 30 ರೊಳಗೆ ಈ ಕಾರ್ಯ ಆಗದೇ ಇದ್ದಲ್ಲಿ ಅಕ್ಟೋಬರ್ನಿಂದ ಪಿಂಚಣಿ ಜಮಾ ಆಗುವುದಿಲ್ಲ ಎಂದು ಜಿಲ್ಲಾಧಿಕಾರಿ ಗಂಗೂಬಾಯಿ ಮಾನಕರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
