ಅಕ್ರಮವಾಗಿ ಸಂಚರಿಸುತ್ತಿದ್ದ 4 ಖಾಸಗಿ ಬಸ್ ವಶ

ಬೆಂಗಳೂರು: ರಾಜ್ಯದ ಪರ್ವಿುಟ್ ಪಡೆಯದೆ ಅಂತಾರಾಜ್ಯ ಸಂಚಾರ ಮಾಡುತ್ತಿದ್ದ 4 ಬಸ್​ಗಳನ್ನು ಯಲಹಂಕ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

ಸಾರಿಗೆ ಅಧಿಕಾರಿಗಳು ಶನಿವಾರವಷ್ಟೆ 15 ಲಕ್ಷ ರೂ. ತೆರಿಗೆ ವಂಚನೆ ಮಾಡಿದ್ದ ಬೆಂಜ್ ಕಾರನ್ನು ವಶಕ್ಕೆ ಪಡೆದಿದ್ದರು. ಸೋಮವಾರ ಹೈದರಾಬಾದ್ ರಸ್ತೆಯಲ್ಲಿ ಕಾರ್ಯಾಚರಣೆ ನಡೆಸಿ ಬಸ್​ಗಳನ್ನು ಜಪ್ತಿ ಮಾಡಿದ್ದಾರೆ.

ಎಆರ್, ಎನ್​ಎಲ್ ನೋಂದಣಿ: ವಶಕ್ಕೆ ಪಡೆಯಲಾಗಿ ರುವ ಬಸ್​ಗಳು ಜಬ್ಬಾರ್ ಮತ್ತು ಆರೆಂಜ್ ಸಂಸ್ಥೆಯ ನಾಮಫಲಕ ಹೊಂದಿದ್ದು, ನಾಗಲ್ಯಾಂಡ್ ಮತ್ತು ಅರುಣಾಚಲಪ್ರದೇಶದಲ್ಲಿ ನೋಂದಣಿ ಮಾಡಲಾಗಿದೆ. ಪ್ರಾದೇಶಿಕ ಸಾರಿಗೆ ಅಧಿಕಾರಿ ಪ್ರಕಾಶ್ ಮತ್ತು ವಾಹನ ನಿರೀಕ್ಷಕ ರಾಜ್​ಕುಮಾರ್ ಅವರಿದ್ದ ತಂಡ ಪರಿಶೀಲನೆ ನಡೆಸಿದ ವೇಳೆ ಬಸ್ ಚಾಲಕರ ಬಳಿ ರಾಜ್ಯದ ಪರ್ವಿುಟ್ ಇಲ್ಲದಿರುವುದು ತಿಳಿದುಬಂದಿದೆ. ಇದೀಗ ಬಸ್ ಮಾಲೀಕರಿಗೆ ದಾಖಲೆ ಸಲ್ಲಿಸುವಂತೆ ಯಲಹಂಕ ಆರ್​ಟಿಒದಿಂದ ನೋಟಿಸ್ ನೀಡಲಾಗಿದೆ. ದಾಖಲೆ ಸಲ್ಲಿಸಿದ ನಂತರ, ತೆರಿಗೆ ಎಷ್ಟು ಬಾಕಿ ಇದೆ ಎಂಬುದನ್ನು ಪರಿಶೀಲಿಸಲಾಗುತ್ತದೆ. ಒಂದು ವೇಳೆ ದಾಖಲೆಗಳಿಲ್ಲದಿದ್ದರೆ ಅದಕ್ಕೆ ಎಷ್ಟು ತೆರಿಗೆ ಮತ್ತು ದಂಡ ವಿಧಿಸಬೇಕು ಎಂಬುದನ್ನು ಲೆಕ್ಕ ಹಾಕಿ ವಸೂಲಿ ಮಾಡಲು ಅಧಿಕಾರಿಗಳು ನಿರ್ಧರಿಸಿದ್ದಾರೆ.