4 ಎಕರೆ ಅಡಕೆ ತೋಟಕ್ಕೆ ಬೆಂಕಿ

ಆಯನೂರು: ಮುದ್ದಿನಕೊಪ್ಪದಲ್ಲಿ ಭಾನುವಾರ ನಾಲ್ಕು ಎಕರೆ ಅಡಕೆ ತೋಟ ಬೆಂಕಿ ಅವಘಡದಲ್ಲಿ ಕರಕಲಾಗಿದೆ. ಮುದ್ದಿನಕೊಪ್ಪ ಗ್ರಾಮದ ಹರೀಶ್ ಅವರ 1.26 ಎಕರೆ, ಮಂಜುನಾಥ್ ಅವರ 2 ಎಕರೆ ಅಡಕೆ ಗಿಡಗಳು ಸಂಪೂರ್ಣ ಸುಟ್ಟು ಹೋಗಿವೆ. ಅಗ್ನಿಶಾಮಕ ದಳದವರು ತಡವಾಗಿ ಸ್ಥಳಕ್ಕೆ ಆಗಮಿಸಿದ್ದರಿಂದ ಅಡಕೆ ಗಿಡಗಳು ಹಾಗೂ ನೀರಿಗಾಗಿ ಅಳವಡಿಸಲಾಗಿದ್ದ ಡ್ರಿಪ್ ಪೈಪ್‌ಲೈನ್, ಸ್ಪ್ರಿಂಕ್ಲರ್‌ಗಳು ಸುಟ್ಟುಹೋದವು. ತೋಟಗಾರಿಕೆ ಇಲಾಖೆ ಅಧಿಕಾರಿ ರಾಜು ಗೌಡ ಸೋಮವಾರ ಭೇಟಿ ನೀಡಿ ಪರಿಶೀಲಿಸಿದರು.