ಅಪೆಕ್ಸ್ ಬ್ಯಾಂಕಿನಿಂದ ಹಾಗೂ ಜಿಲ್ಲಾ ಕೇಂದ್ರ ಸಹಕಾರ ಬ್ಯಾಂಕಿನಿಂದ ಅತ್ಯುತ್ತಮ ಸಂಘ ಪ್ರಶಸ್ತಿ ಪಡೆದಿದೆ. ತಾಲೂಕಿನಲ್ಲಿ ಅತಿ ಹೆಚ್ಚಿನ ಕೃಷಿ ಸಾಲ ನೀಡುತ್ತಿರುವ ಸಂಸ್ಥೆಯಾಗಿದ್ದು, ಆರ್ಟಿಜಿಎಸ್, ನೆಫ್ಟ್, ಡಿಡಿ ಸೌಲಭ್ಯ, ಮೃತಪಟ್ಟ ಸದಸ್ಯರ ವಾರೀಸುದಾರರಿಗೆ 10 ಸಾವಿರ ರೂ. ಸಹಕಾರಿ ಸಾಂತ್ವನ ನಿಧಿ, ಸಂಘದ ನಿವೃತ್ತ ನೌಕರರಿಗೆ ಮಾಸಿಕ ಪಿಂಚಣಿ ಯೋಜನೆ ನೀಡಲಾಗುತ್ತಿದೆ. ಅಡಕೆ, ರಬ್ಬರ್ ಖರೀದಿ, ರಸಗೊಬ್ಬರ, ಸಿಮೆಂಟ್ ಗ್ರಾಹಕ ವಸ್ತುಗಳ ಮಾರಾಟ ಸೌಲಭ್ಯ, ಟಿವಿ, ಫ್ರಿಡ್ಜ್ ಇತ್ಯಾದಿ ಎಲೆಕ್ಟ್ರಾನಿಕ್ ಹಾಗೂ ಪೀಠೋಪಕರಣಗಳ ಖರೀದಿಗಾಗಿ ಶೀಘ್ರ ಸಾಲ ಸೌಲಭ್ಯವಿದೆ. ಪುತ್ತೂರು ಉಪವಿಭಾಗದಲ್ಲಿ ಅತಿ ಹೆಚ್ಚು ವ್ಯವಹಾರ ಹಾಗೂ ಲಾಭ ಗಳಿಸಿ ಮುಂಚೂಣಿಯಲ್ಲಿರುವ ಸಂಸ್ಥೆಯಾಗಿದೆ ಎಂದು ಹರೀಶ್ ಸಾಲಿಯಾನ್ ತಿಳಿಸಿದರು.
