ಬೆಂಗಳೂರು: ರೈಲು ಸಿಬ್ಬಂದಿ ಹಾಗೂ ಸಾರ್ವಜನಿಕರ ಬಳಕೆಗಾಗಿ ನೈಋತ್ಯ ರೈಲ್ವೆ ಸಿಬ್ಬಂದಿ 74 ಸಾವಿರಕ್ಕೂ ಅಧಿಕ ಮಾಸ್ಕ್ ಹಾಗೂ ಸುಮಾರು 10 ಸಾವಿರ ಲೀ. ಸ್ಯಾನಿಟೈಸರ್ ಉತ್ಪಾದಿಸಿ ವಿತರಿಸಲಾಗಿದೆ. ದೇಶದಲ್ಲಿ ಕರೊನಾ ಸೋಂಕು ಕಾಣಿಸಿಕೊಂಡಾಗಿನಿಂದ ನೈಋತ್ಯ ರೈಲ್ವೆ ವ್ಯಾಪ್ತಿಯ ಹುಬ್ಬಳ್ಳಿ, ಬೆಂಗಳೂರು, ಮೈಸೂರು ವಿಭಾಗ ವ್ಯಾಪ್ತಿಯ ಸಿಬ್ಬಂದಿಗಳು ಮಾಸ್ಕ್ ಮತ್ತು ಸ್ಯಾನಿಟೈಜರ್ ಉತ್ಪಾದಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ. ಹುಬ್ಬಳ್ಳಿ ಕಾರ್ಯಾಗಾರದಲ್ಲಿ 20,035 ಮಾಸ್ಕ್, 2,960 ಲೀ. ಸ್ಯಾನಿಟೈಸರ್ ಉತ್ಪಾದಿಸಲಾಗಿದೆ. ಹುಬ್ಬಳ್ಳಿ ವಿಭಾಗದಲ್ಲಿ 13,437 ಮಾಸ್ಕ್, 3,990 ಸ್ಯಾನಿಟೈಸರ್, ಬೆಂಗಳೂರು ವಿಭಾಗದಲ್ಲಿ 28,916 ಮಾಸ್ಕ್, 1,870 ಲೀ. ಸ್ಯಾನಿಟೈಸರ್, ಮೈಸೂರು ಕಾರ್ಯಾಗಾರದಲ್ಲಿ 7,730ಮಾಸ್ಕ್, 1,085 ಲೀ. ಸ್ಯಾನಿಟೈಸರ್ ಹಾಗೂ ಮೈಸೂರು ವಿಭಾಗದಲ್ಲಿ 4,800 ಮಾಸ್ಕ್ ಮತ್ತು 32 ಲೀ. ಸ್ಯಾನಿಟೈಸರ್ ಉತ್ಪಾದಿಸಲಾಗಿದೆ.
