ದೇಶದಲ್ಲಿ ಮೂರೂವರೆ ಕೋಟಿ ಉದ್ಯೋಗ ಸೃಷ್ಟಿ

ಮಂಗಳೂರು ಶಾಸಕ ಡಿ. ವೇದವ್ಯಾಸ ಕಾಮತ್ ಅವರು ಮಾತನಾಡಿ, ಭಾರತದಲ್ಲಿ ಶೇ. 60-70ರಷ್ಟು ಯುವಸಮೂಹವಿದೆ. ಇವರೇ ದೇಶದ ಭವಿಷ್ಯದ ಶಕ್ತಿ. ಇವರಿಗೆ ಉದ್ಯೋಗ, ಆರ್ಥಿಕ ಭದ್ರತೆ ಸಿಗಬೇಕು. ಪಿಎಂ-ವಿಬಿಆರ್‌ವೈ ಯೋಜನೆ ಜಾರಿಗೆ ಕೇಂದ್ರ ಸರ್ಕಾರವು 2,400 ಕೋಟಿ ರೂ.ಗೂ ಅಧಿಕ ವ್ಯಯಿಸುತ್ತಿದೆ. 15 ಲಕ್ಷ ಫಲಾನುಭವಿಗಳು ಇದರ ಲಾಭ ಪಡೆಯುತ್ತಿದ್ದಾರೆ. ಯುವಜನತೆಗೆ ಸಾಮಾಜಿಕ ಭದ್ರತೆ ನೀಡುವ ಮೋದಿ ಅವರ ಈ ಯೋಜನೆಯ ಫಲವನ್ನು ಹೆಚ್ಚಿನ ಜನರು ಪಡೆಯಬೇಕಾಗಿ ಎಂದ ಅವರು, ಇದಕ್ಕಾಗಿ ಇಪಿಎಫ್‌ಒ ಇಲಾಖೆ ಮಾತ್ರವಲ್ಲದೆ, ಸಂಬಂಧಪಟ್ಟ ವಿವಿಧ ಇಲಾಖೆಯ ಅಧಿಕಾರಿಗಳು ಸಮನ್ವಯದಿಂದ ಜಾಗೃತಿ ಮೂಡಿಸುವ ಕೆಲಸವನ್ನು ಮಾಡಬೇಕು ಎಂದು ಮನವಿ ಮಾಡಿದರು.