ಸ್ಥಳೀಯ ಜ್ಞಾನ ಭಾರತಿ ಶಾಲೆಯಲ್ಲಿ 32ನೇ ಕನ್ನಡ ನುಡಿ ಸಂಭ್ರಮದ ಕುರಿತು ಸೋಮವಾರ ಏರ್ಪಡಿಸಿದ್ದ ಪೂರ್ವಭಾವಿ ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಯಿತು. ಮೂರು ದಿನಗಳ ಕಾಲ ಹಗಲು, ರಾತ್ರಿ ನಿರಂತರವಾಗಿ ವಿವಿಧ ಸಾಹಿತ್ಯ ಗೋಷ್ಠಿ, ಸಾಂಸ್ಕೃತಿಕ ಸಮಾರಂಭ ಆಚರಿಸಲಾಗುತ್ತಿದೆ. ಕನ್ನಡ ನಾಡಿನ ನೆಲ, ಜಲ ಮತ್ತು ಭಾಷೆಯ ಕುರಿತು ವಿಶ್ಲೇಷಣೆ ಜರುಗಲಿದ್ದು, ಭುವನೇಶ್ವರಿ ದೇವಿ ಶೋಭಾಯಾತ್ರೆ, ದಿಗ್ಗಜರ ಸಮ್ಮುಖದಲ್ಲಿ ಸಮಾರಂಭದ ಉದ್ಘಾಟನೆ ನಡೆಯಲಿದೆ. ವೇದಿಕೆ, ಪ್ರಚಾರ, ವಸತಿ, ಊಟ, ಅತಿಥಿ ಸತ್ಕಾರ, ಮೆರವಣಿಗೆ ಸೇರಿ ವಿವಿಧ ಸಮಿತಿ ರಚಿಸಲಾಗಿದೆ. ಈ ಬಾರಿಯ ನುಡಿ ಸಂಭ್ರಮದ ಸಂಚಾಲಕರಾಗಿ ಜ್ಞಾನ ಭಾರತಿ ಶಾಲೆಯನ್ನು ಆಯ್ಕೆ ಮಾಡಲಾಗಿದೆ. ಸ್ಥಳೀಯ ಪ್ರತಿಭೆಗಳಿಗೆ ಅವಕಾಶ ಕಲ್ಪಿಸಲು ನಿರ್ಧರಿಸಲಾಯಿತು.
