ನೆಲಮಂಗಲದಲ್ಲಿ 3 ಟನ್​ ಪ್ಲಾಸ್ಟಿಕ್​ ವಶ

ನೆಲಮಂಗಲ: ನಗರದ ಉದ್ಯಮಿ ಅಶೋಕ ಮಾಲೀಕತ್ವದ ಪ್ಲಾಸ್ಟಿಕ್​ ಗೋದಾಮಿನ ಮೇಲೆ ನಗರಸಭೆ ಹಾಗೂ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಅಧಿಕಾರಿಗಳು ದಾಳಿ ನಡೆಸಿ ಲಾಂತರ ರೂಪಾಯಿ ಮೌಲ್ಯದ 3 ಟನ್​ ಪ್ಲಾಸ್ಟಿಕ್​ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಮಾಲಿನ್ಯ ನಿಯಂತ್ರಣ ಮಂಡಳಿ ಪ್ರಾದೇಶಿಕ ನಿರ್ದೇಶಕ ಭೀಮ್​ಸಿಂಗ್​ ಗೌಗಿ ಮಾತನಾಡಿ, ಕೇಂದ್ರ ಹಾಗೂ ಸರ್ಕಾರ ಏಕ ಬಳಕೆ ಪ್ಲಾಸ್ಟಿಕ್​ ವಸ್ತುಗಳನ್ನು ನಿಷೇಧಿಸಿದೆ. ಈ ನಿಟ್ಟಿನಲ್ಲಿ ಕಾರ್ಖಾನೆ, ಅಂಗಡಿ ಗೋದಾಮಿನ ಮೇಲೆ ದಾಳಿ ಮಾಡಲಾಗುತ್ತಿದೆ. 6 ತಿಂಗಳ ಹಿಂದೆ ಅಶೋಕ ಅವರಿಗೆ ಸಂಬಂಧಿಸಿದ ಅಂಗಡಿ ಮೇಲೆ ದಾಳಿ ಮಾಡಿ ಪ್ಲಾಸ್ಟಿಕ್​ ವಸ್ತುಗಳನ್ನು ವಶ ಪಡಿಸಿಕೊಂಡು ತಿಳಿವಳಿಕೆ ನೀಡಲಾಗಿತ್ತು. ಸರ್ಕಾರದ ನಿರ್ದೇಶನ ಪಾಲಿಸದೆ ಮತ್ತೆ ಪ್ಲಾಸ್ಟಿಕ್​ ಚೀಲ ಮಾರಾಟ ಮಾಡುತ್ತಿದ್ದಾರೆ. ಇದೇ ತರಹ ಮುಂದುವರಿದರೆ ಮಾಲೀಕರ ವಿರುದ್ಧ ಕಾನೂನು ಕ್ರಮ ಹಾಗೂ ದಂಡ ವಿಧಿಸಿ ಕೇಸ್​ ದಾಖಲಿಸಿಕೊಳ್ಳಲಾಗುವುದು ಎಂದರು.

ನಗರಸಭೆ ಆರೋಗ್ಯ ನಿರೀಕ್ಷಕ ಬಿ.ಜಿ.ರವಿಕುಮಾರ್​, ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ೇತ್ರ ಸಹಾಯಕ ದೊಡ್ಡಯ್ಯ, ಸಿಬ್ಬಂದಿ ರೇವಣ್ಣ, ವರುಣ್​, ನಿಂಗೇಗೌಡ, ಶಶಿವಕುಮಾರ್​ ಇದ್ದರು.