ಆಗಸ್ಟ್​ ಅಂತ್ಯಕ್ಕೆ ಹಳದಿ ಮಾರ್ಗದ 2ನೇ ರೈಲು ಆಗಮನ; ಸೆಪ್ಟೆಂಬರ್​ ಅಂತ್ಯಕ್ಕೆ ಪ್ರಾಯೋಗಿಕ ಸಂಚಾರ ನಿರೀಕ್ಷೆ

ಬೆಂಗಳೂರು: ನಮ್ಮ ಮೆಟ್ರೋ ಹಳದಿ ಮಾರ್ಗದಲ್ಲಿ ಸಂಚರಿಸಲಿರುವ ಎರಡನೇ ರೈಲು ಪಶ್ಚಿಮ ಬಂಗಾಳದ ತಿತಾರ್​ ಕಂಪನಿಯಿಂದ ಆಗಸ್ಟ್​ ಅಂತ್ಯಕ್ಕೆ ಎಲೆಕ್ಟ್ರಾನಿಕ್ಸ್​ ಸಿಟಿ ಬಳಿಯ ಹೆಬ್ಬಗೋಡಿ ಡಿಪೋ ತಲುಪುವ ನಿರೀಕ್ಷೆಯಿದೆ ಎಂದು ಬಿಎಂಆರ್​ಸಿಎಲ್​ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಚೀನಾದಿಂದ ಕಳುಹಿಸಿಕೊಡಲಾಗಿದ್ದ ಮೊದಲ ರೈಲು ಫೆಬ್ರವರಿಯಲ್ಲಿ ಬೆಂಗಳೂರು ತಲುಪಿತ್ತು. ಈ ರೈಲು ಮಾರ್ಚ್​ ಮೊದಲ ವಾರದಿಂದ ಪರೀಕ್ಷಾರ್ಥವಾಗಿ ಸಂಚರಿಸಿದೆ. ಸದ್ಯ ಆರ್​.ವಿ. ರಸ್ತೆ& ಬೊಮ್ಮಸಂದ್ರ ಸಂಪರ್ಕಿಸುವ ಹಳದಿ ಮಾರ್ಗದಲ್ಲಿ ಪ್ರಾಯೋಗಿಕ ವಿದ್ಯುದಿಕರಣ ಪ್ರಕ್ರಿಯೆ ನಡೆಯುತ್ತಿದೆ. ಮೆಟ್ರೋ ವಯಡಕ್ಟ್​ ಮೂಲಕ 33 ಕಿಲೋವಾಟ್​ ವಿದ್ಯುತ್​ ಕೇಬಲ್​ಗಳು ಹಾದುಹೋಗಿದ್ದು, ವಿವಿಧ ಪರೀಕ್ಷೆಗಳನ್ನು ನಡೆಸಲಾಗುತ್ತಿದೆ. ತಜ್ಞರ ತಂಡ ವಿವಿಧ ಆಯಾಮಗಳಲ್ಲಿ ಪರಿಶೀಲಿಸಿ, ಲೋಪದೋಷಗಳನ್ನು ಪಟ್ಟಿ ಮಾಡುತ್ತಿದೆ.

ಆಗಸ್ಟ್​ನಲ್ಲಿ 2ನೇ ರೈಲಿನ ಆಗಮನವಾಗುತ್ತಿದ್ದಂತೆ ಪರೀಾರ್ಥ ಸಂಚಾರ ಇನ್ನಷ್ಟು ವೇಗ ಪಡೆದುಕೊಳ್ಳಲಿದೆ. ರೈಲಿನ ವೇಗ, ನಿಲ್ದಾಣದಿಂದ ನಿಲ್ದಾಣಕ್ಕೆ ತಲುಪುವ ಸಮಯ ಇತ್ಯಾದಿ ಅಂಶಗಳ ಬಗ್ಗೆ ಪರಿಶೀಲಿಸಲಾಗುತ್ತದೆ. ಅಗತ್ಯ ಪರೀಕ್ಷೆ ಪೂರ್ಣಗೊಂಡ ಬಳಿಕ ತಜ್ಞರ ಶಿಾರಸುಗಳನ್ನು ಆಧರಿಸಿ, ಸೆಪ್ಟೆಂಬರ್​ ಅಂತ್ಯದಿಂದ ಪ್ರಾಯೋಗಿಕ ಸಂಚಾರ ಆರಂಭವಾಗುವ ಸಾಧ್ಯತೆಯಿದೆ. ಇದು ಯಶಸ್ವಿಯಾಗುತ್ತಿದ್ದಂತೆ ವಾಣಿಜ್ಯ ಸೇವೆ ಪ್ರಾರಂಭಿಸಲು ರೈಲ್ವೆ ಮಂಡಳಿಯ ಅನುಮೋದನೆ ಪಡೆಯಲಾಗುತ್ತದೆ ಎಂದು ತಿಳಿಸಿದ್ದಾರೆ.

ಜೂನ್​ ಅಂತ್ಯದಿಂದ ಸಿಗ್ನಲಿಂಗ್​ ಪರೀಕ್ಷೆ

ಜೂನ್​ ಅಂತ್ಯದಿಂದ 45 ದಿನಗಳವರೆಗೆ ಸಿಗ್ನಲಿಂಗ್​, ದೂರಸಂಪರ್ಕ ವ್ಯವಸ್ಥೆ, ವಿದ್ಯುತ್​ ಸರಬರಾಜು ವ್ಯವಸ್ಥೆ ಸೇರಿ ಸಿಸ್ಟಮ್​ ಪರೀಕ್ಷೆಗಳು ನಡೆಯಲಿವೆ. ಬಳಿಕ ಸುರಕ್ಷತಾ ಪರೀೆಗಳು, ರಿಸರ್ಚ್​ ಡಿಸೈನ್ಸ್​ ಮತ್ತು ಸ್ಟಾ$ಂಡರ್ಡ್​ ಆರ್ಗನೈಸೇಶನ್​ ಮೂಲಕ ಆಸಿಲೇಷನಲ್​ ಟ್ರಯಲ್ಸ್​, ಕಮಿಷನರ್​ ಆ್​ ಮೆಟ್ರೋ ರೈಲ್​ ಸೇಫ್ಟಿ (ಸಿಎಮ್​ಆರ್​ಎಸ್​) ಅವರಿಂದ ತಪಾಸಣೆ ನಡೆಯಲಿದೆ.