ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಶೇ.50ರ ವೆಚ್ಚದಲ್ಲಿ 2,559.67 ಕೋಟಿ ರೂ. ಅಂದಾಜು ವೆಚ್ಚ ತಯಾರಿಸಲಾಗಿತ್ತು. ಗಿಣಿಗೇರಾ-ರಾಯಚೂರುವರೆಗೆ 1,533 ಎಕರೆ ಭೂಸ್ವಾಧೀನ ಪೈಕಿ ರಾಯಚೂರು ಜಿಲ್ಲೆಯ ಕೊಪ್ಪಳ ಜಿಲ್ಲೆಯ 1,107 ಎಕರೆ, ರಾಯಚೂರು ಜಿಲ್ಲೆಯ 426 ಎಕರೆ ಜಮೀನು ಭೂಸ್ವಾಧೀನಪಡಿಸಿಕೊಂಡಿದ್ದು, ಕೊಪ್ಪಳ ಹಾಗೂ ರಾಯಚೂರು ಜಿಲ್ಲೆಯ ಸಿಂಧನೂರು ತಾಲೂಕಿನ ವರೆಗೆ ಭೂಸ್ವಾಧೀನ ಪ್ರಕ್ರಿಯೆ ಹಾಗೂ ರೈಲ್ವೆ ಹಳಿ ಜೋಡಣೆ ಕಾರ್ಯ ಪೂರ್ಣಗೊಳಿಸಿ ರೈಲು ಸಂಚಾರ ಆರಂಭವಾಗಿದೆ. ಸಿಂಧನೂರು-ಹುಬ್ಬಳ್ಳಿಗೆ ಎರಡು ರೈಲು ಹಾಗೂ ಕಾರಟಗಿ -ಬೆಂಗಳೂರಿಗೆ ಒಂದು ರೈಲು ಸಂಚರಿಸುತ್ತಿವೆ. ಇದರ ಜತೆಗೆ ಇತ್ತಿಚ್ಚಿಗೆ ಸಿಂಧನೂರಿನಿಂದ ರಾಯಚೂರು ವರೆಗಿನ ಒಟ್ಟು 81 ಕಿಮೀ.ಗೆ ಸುಮಾರು 200 ಕ್ಕೂ ಅಧಿಕ ಭೂಮಿಯಲ್ಲಿ ಸರ್ಕಾರ ಈಗಾಗಲೇ ಸ್ವಾಧೀನ ಪಡಿಸಿಕೊಂಡು ಒಟ್ಟು 204 ಕೋಟಿ ರೂ. ಪರಿರಿಹಾರ ನೀಡಲಾಗಿದೆ.
