ಧಾರವಾಡ ತಾಲೂಕಿನ 48 ಪ್ರದೇಶದಲ್ಲಿ ಪ್ರಕರಣ ಕಂಡುಬಂದಿದೆ. ಸರ್ಕಾರಿ ಕಚೇರಿ ಉದ್ಯೋಗಿಗಳಲ್ಲೂ ಪಾಸಿಟಿವ್ ಇರುವ ವರದಿ ಬಂದಿದೆ. ನಗರ ಪ್ರದೇಶಕ್ಕಿಂತ ಗ್ರಾಮಾಂತರದಲ್ಲಿ ಕರೊನಾ ಹಾವಳಿ ತುಸು ಕಡಿಮೆ ಇದೆ. ಕಲಘಟಗಿ ತಾಲೂಕಿನ ದುಮ್ಮವಾಡ ಪ್ಯಾಟಿ ಓಣಿ, ಜಮಿಹಾಳ, ಪೊಲೀಸ್ ಕ್ವಾರ್ಟರ್ಸ್; ಅಳ್ನಾವರ ಶಿವಾಜಿನಗರ, ನೆಹರು ನಗರ; ನವಲಗುಂದ ತಾಲೂಕಿನ ಕಳ್ಳಿಮಠ ಓಣಿ, ಮಾರುಕಟ್ಟೆ ರಸ್ತೆ, ಅಗಸಿ ಓಣಿ, ಶಲವಡಿ, ಗುಮ್ಮಗೋಳ, ಶಿರಕೋಳ, ಹೆಬ್ಬಾಳ, ಗೌಡರ ಓಣಿ; ಕುಂದಗೋಳ ತಾಲೂಕಿನ ಬರದ್ವಾಡದ ಬಸವೇಶ್ವರ ನಗರ, ತರ್ಲಘಟ್ಟ, ಕಾಳಿದಾಸ ನಗರಗಳಲ್ಲಿ ಕರೊನಾ ತಗುಲಿದವರು ಕಂಡುಬಂದಿದ್ದಾರೆ. ಗದಗ, ಹಾವೇರಿ, ಬೆಳಗಾವಿ ಜಿಲ್ಲೆಯ ಕೆಲ ಪ್ರಕರಣಗಳೂ ಧಾರವಾಡ ಜಿಲ್ಲೆಯ ಆಸ್ಪತ್ರೆಗೆ ದಾಖಲಾಗಿವೆ.
