ಮಂಗಳೂರು ಒಂದೇ ದಿನ 25 ಎನ್‌ಡಿಪಿಎಸ್ ಕಾಯ್ದೆಯಡಿ ಪ್ರಕರಣ ದಾಖಲು

ಕೇರಳದ ಮಲಪ್ಪುರಂ ಜಿಲ್ಲೆಯ ಮೊಹಮ್ಮದ ರಸೀನ್ (20) ಎಂಬಾತನನ್ನು ಶಿವನಗರದ ಮೈದಾನದ ಬಳಿ ಪಾಂಡೇಶ್ವರ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಪಣಂಬೂರು ಠಾಣೆ ಪೊಲೀಸರು ಕಂಕನಾಡಿ ಬಜಾಲ್ ನ ಹಸೈನಾರ್ (52)ನನ್ನು ಪಣಂಬೂರು ಬೀಚ್ ಬಳಿ ಬಂಧಿಸಿದ್ದಾರೆ. ಕೋಟೆಕಾರ್ ಸೋಮೇಶ್ವರದ ಮನೀಷ್ (25), ಫಳ್ನೀರ್ ನ ಸಯ್ಯದ್ ಅಫ್ನಾನ್ (20) ಹಾಗೂ ಉಳ್ಳಾಲ ಬಂಡಿಕೊಟ್ಯದ ಹಂಝ (58)ನನ್ನು ಜೋಕಟ್ಟೆ ರೈಲ್ವೇ ಕ್ರಾಸ್ ಬಳಿ ಬಂಧಿಸಿದ್ದಾರೆ.

ಉಳ್ಳಾಲ ಪೊಲೀಸರು ಸೋಮೇಶ್ವರ ಗ್ರಾಮದ ಶಾಂತಿಬಾಗ್ ಎಂಬಲ್ಲಿ ಶಾಸಿಲ್.ಸಿ.ಸಿ ಹಾಗೂ ಮುಹಮ್ಮದ್ ರಿಝ್ವನ್. ಎಂ.ಕೆ. ಎಂಬವರನ್ನು ಬಂಧಿಸಿದ್ದಾರೆ. ಕೋಟೆಕಾರ್ ಗ್ರಾಮದ ಯೇನಪೊಯ ಆಸ್ಪತ್ರೆ ಹಿಂಬದಿಯ ಸಾರ್ವಜನಿಕ ಸ್ಥಳದಲ್ಲಿ ಮೇರಿಹಿಲ್ ಗುರುನಗರ ನಿವಾಸಿ ಜಾರ್ಜ್ ಮ್ಯಾಥ್ಯೂ (31) ಬಂಧಿತ ಆರೋಪಿ.

ಬರ್ಕೆ ಠಾಣೆ ಪೊಲೀಸರು ಸುಲ್ತಾನ್ ಬತ್ತೇರಿಯಲ್ಲಿ ರಾಜಸ್ಥಾನ ಮೂಲದ, ಕೊಡಿಯಾಲಬೈಲು ಭಗವತಿ ನಗರದ ವಾಸುದೇವ ಅಲಿಯಾಸ್ ಸ್ಯಾನ್ (48) ಮತ್ತು ಕುದ್ರೋಳಿಯ ಮಂಗಳರಾಮ್ ಚೌಧರಿ ಪ್ರಾಯ (45) ಬಂಧಿತರು. ಹಳೆ ಆರೋಪಿಗಳಾದ ಕುಂದಾಪುರದ ಹುಮೈದ್ ಅಬ್ದುಲ್ಲಾ (25) ಡಾನೀಶ್ ಆರಾನ್ ಡಿಕ್ರುಜ್ (24)ನನ್ನು ವೈದ್ಯಕೀಯರ ತಪಾಸಣೆಗೆ ಒಳ ಪಡಿಸಿದಾಗ ಮಾದಕ ವಸ್ತು ಸೇವನೆ ದೃಢಪಟ್ಟಿದೆ.

ಕೊಣಾಜೆ ಪೊಲೀಸರು ಬೆಳ್ಮಾ ಗ್ರಾಮದ ದೇರಳಕಟ್ಟೆಯಲ್ಲಿ ತುಮಕೂರು ಜಿಲ್ಲೆ ಕೋರಟಗೆರೆ ಹೋಲವನಹಳ್ಳಿಯ ಅರುಣ್ ಟಿ. (27) ಎಂಬಾತನನ್ನು ಬಂಧಿಸಿದ್ದಾರೆ. ಬೆಳ್ಮ ಗ್ರಾಮದ ಬಗಂಬಿಲ ರಸ್ತೆಯ ಮೊಹಮ್ಮದ್ ಇರ್ಷಾದ್ (37) ಎಂಬಾತನನ್ನು ಬಂಧಿಸಿದ್ದಾರೆ.

ಕದ್ರಿ ಠಾಣೆ ಪೊಲೀಸರು ಬಲ್ಮಠದ ಬಳಿ ಕೇರಳದ ಕಣ್ಣೂರು ಜಿಲ್ಲೆ ಕೊಳಚ್ಚೇರಿಯ ಮೊಹಮ್ಮದ್ ರಬೀಹ್ (19) ಎಂಬಾತನನ್ನು ಬಂಧಿಸಿದ್ದಾರೆ.

ಬಂದರು ಠಾಣೆ ಪೊಲೀಸರು ಕೆ.ಎಸ್.ರಾವ್ ರಸ್ತೆ ಬಳಿ, ಮಂಕಿಸ್ಟ್ಯಾಂಡ್ ನಿವಾಸಿ, ಕೆ.ಸಮೀರ್ (46) ಮತ್ತು ಮಂಗಳಾದೇವಿಯ ಮೊಹಮ್ಮದ್ ವಶೀರ್ ಪ್ರಾಯ (39) ಎಂಬವರನ್ನು ಬಂಧಿಸಿದ್ದಾರೆ. ಉತ್ತರ ದಕ್ಕೆಯ ಫೆರಿ ಬಳಿ ಕಸಬಾ ಬೆಂಗ್ರೆ ನಿವಾಸಿ ಮಹಮ್ಮದ್ ಸಾಹಿಲ್ (23)ನನ್ನು ಬಂಧಿಸಿದ್ದಾರೆ.

ಉರ್ವ ಠಾಣೆ ಪೊಲೀಸರು ಬಿಜೈ ಆನೆಗುಂಡಿಬಳಿ ಕುಂಪಲದ ವಿಘ್ನೇಶ್ ಶೆಟ್ಟಿ (23), ಬಿಜೈ ನ್ಯೂರೋಡ್ ಜೋಯೆಲ್ ಜೋಸೆಫ್ (25), ಆನಂದ ದೇವಾಡಿಗ (28) ಮತ್ತು ಕೇರಳ ಆಳಪ್ಪುಳದ ಸಲ್ಮಾನ್ ಖಾನ್ (26) ಬಂಧಿಸಿದ್ದಾರೆ. ಉರ್ವ ಮಾರಿಗುಡಿ ಬಳಿ ರಸ್ತೆ ಬಳಿ, ಅಶೋಕನಗರ ನಿವಾಸಿ ರಿತೇಶ್ (30) ಮತ್ತು ಕೋಟೆಕಾರು ಮಡ್ಯಾರು ನಿವಾಸಿ ಶ್ರೀಜಿತ್ ಶೆಟ್ಟಿ (25)ಯನ್ನು ಬಂಧಿಸಿದ್ದಾರೆ.

ಕಾವೂರು ಪೊಲೀಸರು ಪಡುಶೆಡ್ಡೆ ರೈಲ್ವೇ ಬ್ರಿಡ್ಜ್ ಬಳಿ ಕಾವೂರು ಕಟ್ಟೆ ನಿವಾಸಿ ಸಜನ್ (26) ಎಂಬಾತನನ್ನು ಬಂಧಿಸಿದ್ದಾರೆ.