ಕೃಷಿ ಪ್ರಧಾನ ಜಿಲ್ಲೆಯಾಗಿರುವ ಮಂಡ್ಯಕ್ಕೆ ಕಳೆದ ಬಜೆಟ್ನಲ್ಲಿ ಕೃಷಿ ವಿಶ್ವವಿದ್ಯಾನಿಲಯ ಘೋಷಣೆಯಾಗಿತ್ತು. ನಂತರ ಈ ಸಂಬಂಧ ಹಲವು ಪ್ರಕ್ರಿಯೆ ನಡೆದಿವೆ. ಮಾತ್ರವಲ್ಲದೆ ಸಚಿವ ಸಂಪುಟ ಕೂಡ ಗ್ರೀನ್ ಸಿಗ್ನಲ್ ನೀಡಿದರ ಹೊರತಾಗಿಯೂ ವಿವಿಗೆ ಅಡ್ಡಿಯುಂಟು ಮಾಡುವ ಕೆಲಸ ಸದ್ದಿಲ್ಲದೆ ನಡೆಯುತ್ತಿದ್ದವು. ಈ ಹಿನ್ನೆಲೆಯಲ್ಲಿ ಜಿಲ್ಲೆಯ ಜನರಿಗೆ ಸ್ವಲ್ಪ ಗೊಂದಲವೂ ಇತ್ತು. ಆದರೀಗ ಎಲ್ಲವೂ ಸುಗಮವಾಗಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬಜೆಟ್ನಲ್ಲಿ ಕೃಷಿ ವಿವಿ ಬಗ್ಗೆ ಪ್ರಸ್ತಾಪಿಸಿದ್ದಾರೆ. ನೂತನ ವಿವಿಗೆ ಮೂಲ ಸೌಲರ್ಯ ಕಲ್ಪಿಸಲು 25 ಕೋಟಿ ರೂ ನೀಡಿದ್ದಾರೆ. ಗಮನಾರ್ಹವೆಂದರೆ ಪ್ರಸಕ್ತ ಸಾಲಿನಿಂದಲೇ ತರಗತಿ ಪ್ರಾರಂಭಿಸಲು ಅಸ್ತು ಎಂದಿದ್ದಾರೆ. ತಾಲೂಕಿನ ವಿ.ಸಿ ಾರ್ಮ್ನಲ್ಲಿ ಕೃಷಿ ವಿದ್ಯಾಲಯ ಮತ್ತು ಸಂಶೋಧನಾ ಕೇಂದ್ರ ಸ್ಥಾಪಿಸಿದ ಮೂಲ ಉದ್ದೇಶವೇ ಭವಿಷ್ಯದಲ್ಲಿ ವಿವಿಯೂ ಆಗಬೇಕೆನ್ನುವುದಾಗಿತ್ತು. ಆದರೆ ಈ ಬಗ್ಗೆ ಅಷ್ಟೊಂದು ಮಾನ್ಯತೆ ಸಿಕ್ಕಿರಲಿಲ್ಲ. ಆದರೀಗ ಸಿಕ್ಕಿದ್ದ ಅವಕಾಶ ಕಸಿದುಕೊಳ್ಳುವ ನಿಟ್ಟಿನಲ್ಲಿ ತಂತ್ರಗಾರಿಕೆ ಸದ್ದಿಲ್ಲದೆ ನಡೆಯುತ್ತಿತ್ತು. ಕಾರಣ ಮಂಡ್ಯದಲ್ಲಿ ಪ್ರಾರಂಭವಾದರೆ ಬೆಂಗಳೂರಿಗೆ ಸಿಕ್ಕಿರುವ ಅವಕಾಶ ತಪ್ಪಲಿದೆ ಎನ್ನುವುದಾಗಿತ್ತು. ಇದಕ್ಕೆ ಪೂರಕವೆನ್ನುವಂತೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಮೇಲೆಯೂ ಒತ್ತಡ ಹಾಕುವ ತಂತ್ರವೂ ನಡೆದಿತ್ತಾದರೂ ಫಲಿಸಲಿಲ್ಲ.
