ರಾಜ್ಯದಲ್ಲಿ ನಕ್ಸಲ್​ ಹತ್ತಿಕ್ಕಲು 201 ಕೋಟಿ ವ್ಯಯ: ಗೃಹ ಸಚಿವ ಜಿ.ಪರಮೇಶ್ವರ್​ ಹೇಳಿಕೆ

ಬೆಂಗಳೂರು: ರಾಜ್ಯದಲ್ಲಿ ನಕ್ಸಲ್​ ಚಟುವಟಿಕೆಗಳನ್ನು ಹತ್ತಿಕ್ಕಲು 201.41 ಕೋಟಿ ರೂ.ರ್ಖಚಾಗಿದೆ ಎಂದು ಗೃಹ ಸಚಿವ ಜಿ. ಪರಮೇಶ್ವರ್​ ವಿಧಾನಪರಿಷತ್ತಿಗೆ ಹೇಳಿದರು.

ಪ್ರಶ್ನೋತ್ತರ ಕಲಾಪದಲ್ಲಿ ಬಿಜೆಪಿಯ ಸಿ.ಟಿ.ರವಿ ಕೇಳಿದ್ದ ಪ್ರಶ್ನೆಗೆ ಉತ್ತರಿಸಿದ ಸಚಿವರು, 2018ರಿಂದ 2025ರ ಫೆಬ್ರವರಿವರೆಗೆ ಅಧಿಕಾರಿಗಳು ಸೇರಿ ಸಿಬ್ಬಂದಿ ವೇತನಕ್ಕೆ 150.28 ಕೋಟಿ ರೂ ಹಾಗೂ 2008ರಿಂದ 2025ರ ಮಾರ್ಚ್​ವರೆಗೆ ವೇತನೇತರಕ್ಕೆ 51.13 ಕೋಟಿ ರೂ.ಸೇರಿ ಒಟ್ಟು 201.41 ಕೋಟಿ ರೂ.ವ್ಯಯವಾಗಿದೆ. ನಕ್ಸಲ್​ ಶರಣಾಗತಿ ಮತ್ತು ಪುನವರ್ಸತಿ ಯೋಜನೆಯಡಿ ಈವರೆಗೆ 22 ನಕ್ಸಲರ್​ ಶರಣಾಗತಿಯಾಗಿದ್ದಾರೆ ಎಂದರು.

ಕರ್ನಾಟಕವನ್ನು "ನಕ್ಸಲ್​ ಮುಕ್ತ ರಾಜ್ಯವನ್ನಾಗಿ' ನಮ್ಮ ಸರ್ಕಾರ ಘೋಷಿಸಿದೆ. ಆದರೂ, ಉಡುಪಿ, ಶಿವಮೊಗ್ಗ, ಚಿಕ್ಕಮಗಳೂರು ಮತ್ತು ತುಮಕೂರು ಅರಣ್ಯ ಪ್ರದೇಶಗಳ ಮೇಲೆ ನಕ್ಸಲ್​ ನಿಗ್ರಹ ಪಡೆಯ ಗುಪ್ತ ಮಾಹಿತಿ ತಂಡವು ತಳಮಟ್ಟದಿಂದ ಮೇಲ್ವಿಚಾರಣೆ ನಡೆಸುತ್ತಿದೆ ಎಂದು ಸಚಿವರು ಹೇಳಿದರು.

ರಾಜ್ಯವನ್ನು ನಕ್ಸಲ್​ರ ಸ್ಲೀಪರ್​ ಸೆಲ್​ ಆಗದಂತೆ ಕ್ರಮಕೈಗೊಳ್ಳಬೇಕು ಹಾಗೂ ಅರ್ಬನ್​ ನಕ್ಸಲ್​ರ ಮೇಲೆಯೂ ನಿಗಾವಹಿಸಬೇಕು ಎಂದು ಸರ್ಕಾರಕ್ಕೆ ಸಲಹೆ ನೀಡಿದ ಸಿ.ಟಿ.ರವಿ, ರಾಜ್ಯದಲ್ಲಿ ನಕ್ಸಲ್​ರಿಂದ ಎಷ್ಟು ಸಾರ್ವಜನಿಕರು, ಪೊಲೀಸರು,ಅಧಿಕಾರಿಗಳು ಬಲಿಯಾಗಿದ್ದಾರೆ ಎಂಬುದರ ಬಗ್ಗೆ ಮಾಹಿತಿ ನೀಡುವಂತೆ ಸಚಿವರನ್ನು ಕೇಳಿದರು. ಈ ಮಾಹಿತಿಯನ್ನು ನಂತರ ಒದಗಿಸುವುದಾಗಿ ಸಚಿವರು ಭರವಸೆ ನೀಡಿದರು.

https://www.vijayavani.net/minister-bhosaraju-promises-review-of-subsidy-increase-for-kannada-films