ಸಮಾವೇಶದಲ್ಲಿ ಉತ್ತರ ಕರ್ನಾಟಕದ ಸುಮಾರು 2,500 ಮಂದಿ ಭಾಗವಹಿಸಲಿದ್ದಾರೆ. ಸಾಧು ಸಂತರು ಉಪಸ್ಥಿತರಿದ್ದು, ಬ್ರಿಗೇಡ್ಗೆ ಹೆಸರು ಸೂಚಿಸಲಿದ್ದಾರೆ. ನನ್ನ ಪ್ರಯತ್ನಕ್ಕೆ ರಾಜ್ಯವ್ಯಾಪಿ ಉತ್ತಮ ಬೆಂಬಲ ವ್ಯಕ್ತವಾಗುತ್ತಿದೆ. ಈ ಹಿಂದೆ ನಾನು ರಾಯಣ್ಣ ಬ್ರಿಗೇಡ್ ಮಾಡಿದಾಗಲೂ ಇಂಥದ್ದೇ ಪ್ರೋತ್ಸಾಹ ಸಿಕ್ಕಿತ್ತು. ಇದೊಂದು ಪಕ್ಷಾತೀತ ಹಾಗೂ ಜಾತ್ಯತೀತ ಸಂಘಟನೆಯಾಗಿರಲಿದೆ ಎಂದು ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ಬಿಗ್ರೇಡ್ ರಾಜಕೀಯ ಸಂಘಟನೆ ಅಲ್ಲ. ಈ ಹಿಂದೆ ಪಕ್ಷದ ಪ್ರಮುಖರ ಮಾತಿಗೆ ಬೆಲೆ ಕೊಟ್ಟು ರಾಯಣ್ಣ ಬ್ರಿಗೇಡ್ ನಿಷ್ಕ್ರಿಯಗೊಳಿಸಿದ್ದೆ. ಆಗ ತಪ್ಪು ಮಾಡಿದೆ ಎಂದು ಈಗ ಅನುಭವವಾಗಿದೆ. ಹೊಸ ಬ್ರಿಗೇಡ್ ಅನ್ನು ಬ್ರಹ್ಮ ಬಂದರೂ ನಿಲ್ಲಿಸಲು ಸಾಧ್ಯವಿಲ್ಲ. ಸಾಧು-ಸಂತರೇ ಇದರ ನಾಯಕತ್ವ ವಹಿಸುತ್ತಾರೆ ಎಂದರು.
ಪಾಲಿಕೆ ಮಾಜಿ ಸದಸ್ಯ ಇ.ವಿಶ್ವಾಸ್, ರಾಷ್ಟ್ರಭಕ್ತರ ಬಳಗದ ಪ್ರಮುಖರಾದ ರಮೇಶ್, ಕುಬೇರಪ್ಪ, ಜಗದೀಶ್, ಮೋಹನ್ ಜಾಧವ್, ಶಂಕರನಾಯ್ಕ, ಸುನೀಲ್, ಎಂ.ಜಿ.ಬಾಲು ಇತರರಿದ್ದರು.
