ಗ್ರಾಮದ ಮಹದೇವಪ್ರಸಾದ್ ಅವರು ಜೂ.7 ರಂದು ಮನೆಗೆ ಬೀಗವನ್ನು ಹಾಕಿಕೊಂಡು ಹಿಂಬಾಗಿಲಿನ ಕೀಲಿ ಕೈ ಅನ್ನು ಬಾಮೈದ ಕೇಂಪೇಗೌಡ ಅವರಿಗೆ ನೀಡಿ ಬೆಂಗಳೂರಿನ ಮಗನ ಮನೆಗೆ ತೆರಳಿದ್ದರು. ಗುರುವಾರ ಸಂಜೆ 6 ಗಂಟೆಯ ವೇಳೆಯಲ್ಲಿ ಗ್ರಾಮಕ್ಕೆ ಆಗಮಿಸಿದ ಮಹದೇವಪ್ರಸಾದ್ ಅವರು ಬಾಮೈದನಿಂದ ಕೀಲಿಕೈ ಪಡೆದು ಮನೆಗೆ ತೆರಳಿದ್ದಾರೆ. ಈ ವೇಳೆ ಮೇಲಂಸ್ತಿನಲ್ಲಿದ್ದ ಬೆಡ್ ರೂಂಗೆ ತೆರಳಿದಾಗ ಬೀರುವಿನ ಬಾಗಿಲು ಮುರಿದಿರುವುದನ್ನು ಕಂಡು ಪರಿಶೀಲಿಸಲಾಗಿ 162 ಗ್ರಾಂ ಚಿನ್ನಾಭರಣ ಹಾಗೂ 2 ಲಕ್ಷ ನಗದು ಕಳ್ಳತನವಾಗಿರುವುದು ಗಮನಕ್ಕೆ ಬಂದಿದೆ. ಸುದ್ದಿ ತಿಳಿದು ಇನ್ಸ್ಪೆಕ್ಟರ್ ಚಿಕ್ಕರಾಜಶೆಟ್ಟಿ ಹಾಗೂ ಸಿಬ್ಬಂದಿ ತಂಡ ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿದರು. ಬಳಿಕ ಜಿಲ್ಲಾ ಶ್ವಾನದಳ ಹಾಗೂ ಬೆರಳಚ್ಚು ಸಿಬ್ಬಂದಿಯಿಂದಲೂ ಪರಿಶೀಲನೆ ನಡೆಯಿತು.
