ಬಡ್ಡಿ ಆಸೆಗೆ 2.15 ಲಕ್ಷ ರೂ. ಕಳೆದುಕೊಂಡ ಯುವತಿ

ಹುಬ್ಬಳ್ಳಿ: ಅಧಿಕ ಬಡ್ಡಿ ಆಸೆಗೆ ಇಲ್ಲಿನ ಕಮರಿಪೇಟೆಯ ಯುವತಿಯೊಬ್ಬರು 2.15 ಲಕ್ಷ ರೂ. ಕಳೆದುಕೊಂಡ ಪ್ರಕರಣ ಸಿಇಎನ್ ಕ್ರೖೆಂ ಠಾಣೆಯಲ್ಲಿ ದಾಖಲಾಗಿದೆ.

ಯುವತಿಯ ಮೊಬೈಲ್ ಫೋನ್​ಗೆ ಟೆಲಿಗ್ರಾಂ ಅಪ್ಲಿಕೇಷನ್ ಮೆಸೇಜ್ ನೋಡಿದ ಅಪರಿಚಿತರು, ಇದರಲ್ಲಿ ಹಣ ಹೂಡಿಕೆ ಮಾಡಿದರೆ ಹೆಚ್ಚಿನ ಬಡ್ಡಿ ನೀಡುವುದಾಗಿ ನಂಬಿಸಿ ಮೊದಲು 15 ಸಾವಿರ ರೂ. ಹಾಗೂ 50 ಸಾವಿರ ರೂ. ನಂತರ ಆನ್​ಲೈನ್ ಮೂಲಕ ವರ್ಗಾಯಿಸಿಕೊಂಡಿದ್ದಾರೆ. ಇದನ್ನು ಮರಳಿ ಪಡೆಯಲು 1.50 ಲಕ್ಷ ರೂ. ಕಳುಹಿಸುವಂತೆ ಸಲಹೆ ನೀಡಿದ್ದಾರೆ. ಈ ಮಾತು ನಂಬಿದ ಯುವತಿ ನೆಫ್ಟ್ ಮೂಲಕ ವರ್ಗಾಯಿಸಿದ್ದಾರೆ. ಒಟ್ಟು 2.15 ಲಕ್ಷ ರೂ. ವರ್ಗಾಯಿಸಿಕೊಂಡ ಅಪರಿಚಿತರು, ಯುವತಿಗೆ ವಂಚಿಸಿದ್ದಾರೆ.