ಕಳೆದ ೨೪ಗಂಟೆಯಲ್ಲಿ ೧೭.೭೯ ಮಿ.ಮೀ ಮಳೆ

ಮಡಿಕೇರಿ: ಜಿಲ್ಲೆಯಲ್ಲಿ ಮಂಗಳವಾರ ಬೆಳಗ್ಗೆ ೮.೩೦ಕ್ಕೆ ಕೊನೆಗೊಂಡಂತೆ ಕಳೆದ ೨೪ ಗಂಟೆ ಅವಧಿಯಲ್ಲಿ ಸರಾಸರಿ ೧೭.೭೯ ಮಿ.ಮೀ. ಮಳೆಯಾಗಿದೆ.

ಕಳೆದ ವರ್ಷ ಇದೇ ದಿನ ೩.೧೧ ಮಿ.ಮೀ. ಮಳೆಯಾಗಿತ್ತು. ಜನವರಿಯಿಂದ ಇಲ್ಲಿಯವರೆಗಿನ ೩೫೬.೮೭ ಮಿ.ಮೀ ಮಳೆಯಾಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ ೧೭೯.೮೬ ಮಿ.ಮೀ ಮಳೆಯಾಗಿತ್ತು.

ಮಡಿಕೇರಿ ತಾಲೂಕಿನಲ್ಲಿ ಸರಾಸರಿ ೧೪.೩೫ ಮಿ.ಮೀ., ವಿರಾಜಪೇಟೆ ತಾಲೂಕಿನಲ್ಲಿ ಸರಾಸರಿ ೨೦.೮೫ ಮಿ.ಮೀ., ಪೊನ್ನಂಪೇಟೆ ತಾಲೂಕಿನಲ್ಲಿ ಸರಾಸರಿ ೧೩.೭೫ ಮಿ.ಮೀ., ಸೋಮವಾರಪೇಟೆ ತಾಲೂಕಿನಲ್ಲಿ ಸರಾಸರಿ ೩೦.೯೦ ಮಿ.ಮೀ., ಕುಶಾಲನಗರ ತಾಲೂಕಿನಲ್ಲಿ ಸರಾಸರಿ ೯.೧೦ ಮಿ.ಮೀ. ಮಳೆಯಾಗಿದೆ.

ಜಿಲ್ಲೆಯ ಹೋಬಳಿವಾರುಗಳಾದ ಮಡಿಕೇರಿ ಕಸಬಾ ೧೦.೪೦, ನಾಪೋಕ್ಲು ೧೨.೨೦, ಸಂಪಾಜೆ ೨೫, ಭಾಗಮಂಡಲ ೯.೮೦, ವಿರಾಜಪೇಟೆ ೨೦.೨೦, ಅಮ್ಮತ್ತಿ ೨೧.೫೦, ಹುದಿಕೇರಿ ೧೫.೨೦, ಶ್ರೀಮಂಗಲ ೧೪.೮೦, ಪೊನ್ನಂಪೇಟೆ ೧೩, ಬಾಳೆಲೆ ೧೨, ಸೋಮವಾರಪೇಟೆ ೨೮.೬೦, ಶನಿವಾರಸಂತೆ ೧೩, ಶಾಂತಳ್ಳಿ ೪೨, ಕೊಡ್ಲಿಪೇಟೆ ೪೦, ಕುಶಾಲನಗರ ೨, ಸುಂಟಿಕೊಪ್ಪ ೧೬.೨೦ ಮಿ.ಮೀ.ಮಳೆಯಾಗಿದೆ.

ಹಾರಂಗಿ ಜಲಾಶಯದ ನೀರಿನ ಗರಿಷ್ಠ ಮಟ್ಟ ೨,೮೫೯ ಅಡಿಗಳಿದ್ದು, ಮಂಗಳವಾರ ೨೮೨೪.೧೯ ಅಡಿ ನೀರು ಸಂಗ್ರಹವಾಗಿದೆ. ನೀರಿನ ಒಳಹರಿವು ೨೮೬ ಕ್ಯೂಸೆಕ್ ಇದ್ದರೆ, ಹೊರ ಹರಿವು ನದಿಗೆ ೨೦೦ ಕ್ಯೂಸೆಕ್ ನೀರು ಬಿಡಲಾಗುತ್ತಿದೆ.