ಸೆ. 22ರಂದು ಗಾಂಜಾ ಮಾರಾಟ ಪ್ರಕರಣದಲ್ಲಿ ಬಂಧಿತನಾಗಿದ್ದ ಮಿರಜ್ನ ವಾಸಿಂ ಶೇಖ್ ಎಂಬಾತನನ್ನು ತೀವ್ರ ವಿಚಾರಣೆಗೊಳಪಡಿಸಿದ್ದಾಗ ಅಶ್ಫಾಕ್ನ ಗಾಂಜಾ ದಂಧೆಯ ಕುರಿತು ಮಾಹಿತಿ ನೀಡಿದ್ದನು. ಆತನ ಮಾಹಿತಿ ಮೇರೆಗೆ ಪ್ರಮುಖ ಆರೋಪಿಯ ಬಂಧನಕ್ಕೆ ಖೆಡ್ಡಾ ತೋಡಿದ್ದ ಜಿಲ್ಲಾ ಪೊಲೀಸರು, ಮಿರಜ್ ತಾಲೂಕಿನ ಮೈಶಾಲ್ ಗ್ರಾಮದ ಪಂಪ್ಹೌಸ್ ಹತ್ತಿರ ಅಶ್ಫಾಕ್ನನ್ನು ಬಂಧಿಸಿದ್ದಾರೆ. ತೆಲಂಗಾಣದ ವಾರಂಗಲ್ ಮತ್ತು ಹೈದರಾಬಾದ್ನಿಂದ ಗಾಂಜಾ ಖರೀದಿಸಿ ಮಹಾರಾಷ್ಟ್ರದ ಸಾಂಗ್ಲಿ, ಮಿರಜ್, ಬೆಳಗಾವಿ ಮತ್ತು ಧಾರವಾಡಕ್ಕೆ ಪೂರೈಸುತ್ತಿದ್ದೆ ಎಂದು ವಿಚಾರಣೆ ವೇಳೆ ಅಶ್ಫಾಕ್ ತಿಳಿಸಿದ್ದಾಗಿ ತಿಳಿದು ಬಂದಿದೆ. ಈತನಿಗೆ ಗಾಂಜಾ ಪೂರೈಸುತ್ತಿದ್ದ ತೆಲಂಗಾಣದ ಇಬ್ಬರಿಗಾಗಿ ಪೊಲೀಸರು ಶೋಧ ಮುಂದುವರಿಸಿದ್ದಾರೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷ್ಮಣ ನಿಂಬರಗಿ ಮಾರ್ಗದರ್ಶನದಲ್ಲಿ ಡಿಸಿಐಬಿ ಪಿಐ ನಿಂಗನಗೌಡ ಪಾಟೀಲ, ಎಎಸ್ಐ ಡಿ.ಕೆ. ಪಾಟೀಲ, ಸಿಬ್ಬಂದಿ ವಿ.ವಿ. ಗಾಯಕವಾಡ, ಟಿ.ಕೆ. ಕೊಳಚಿ, ಅರ್ಜುನ ಮಸರಗುಪ್ಪಿ, ಎಲ್.ಟಿ. ಪಠಾಣ, ಜಯರಾಮ ಹಮ್ಮಣ್ಣವರ, ಎಸ್.ಎಂ. ಮಂಗಣ್ಣವರ, ಎಂ.ಐ. ಪಠಾಣ ದಾಳಿ ನಡೆಸಿದ್ದರು.
