ಉಡುಪಿ: ಆರೋಗ್ಯ ಕವಚ 108 ಆ್ಯಂಬುಲೆನ್ಸ್ ಸೇವಾ ನಿಯಮಗಳಲ್ಲಿ ದಢೀರ್ ಬದಲಾವಣೆಯಾಗಿದ್ದು, ಸಿಬ್ಬಂದಿ 3 ಪಾಳಿಯಲ್ಲಿ ಕಾರ್ಯನಿರ್ವಹಿಸುವಂತೆ ರಾಜ್ಯ ಸರ್ಕಾರದ ನೀಡಿದ ಆದೇಶದಿಂದ ಸಮರ್ಪಕ ಆ್ಯಂಬುಲೆನ್ಸ್ ಸೇವೆ ಸಿಗದೆ ರೋಗಿಗಳು ಪರದಾಡುವಂತಾಗಿದೆ.
ಈ ಹಿಂದೆ ತಲಾ 12 ಗಂಟೆಯಂತೆ 2 ಪಾಳಿಯಲ್ಲಿ ಆಂಬುಲೆನ್ಸ್ ಕಾರ್ಯ ನಿರ್ವಹಿಸುತ್ತಿತ್ತು. ಕಳೆದ ಜನವರಿಯಿಂದ 3 ಶಿಪ್ಟ್ಗಳಿಗೆ ಬದಲಾಯಿಸಲಾಗಿದೆ. ಆದರೆ 3 ಪಾಳಿಗೆ ಅಗತ್ಯವಿರುವ ಹೆಚ್ಚುವರಿ ಚಾಲಕರನ್ನು ನೇಮಕ ಮಾಡಿಕೊಳ್ಳದೆ ಏಕಾಏಕೀ ರ್ನಿಣಯಕೈಗೊಂಡಿರುವುದರಿಂದ ಚಾಲಕರಿಲ್ಲದೆ ಆಂಬುಲೆನ್ಸ್ ಸೇವೆ ಸಿಗುತ್ತಿಲ್ಲ. 3 ಪಾಳಿಗಳಲ್ಲಿ ಯಾರಾದರೂ ಚಾಲಕ ರಜೆಯಲ್ಲಿದ್ದರೆ ಪರ್ಯಾಯ ಚಾಲಕನ ವ್ಯವಸ್ಥೆ ಕೂಡಾ ಇಲ್ಲದಿರುವುದರಿಂದ ತುರ್ತು ಸಂದರ್ಭದಲ್ಲಿ ರೋಗಿಗಳಿಗೆ ಆಂಬುಲೆನ್ಸ್ ಸಿಗದೆ ಸಮಸ್ಯೆಯಾಗಿದೆ. ಈ ಬಗ್ಗೆ ಅಧಿಕಾರಿಗಳು ತುರ್ತು ಗಮನಹರಿಸಬೇಕು ಎಂಬುದಾಗಿ ಸಾರ್ವಜನಿಕರು ಆಗ್ರಹಿಸಿದ್ದಾರೆ.
18 ಆ್ಯಂಬುಲೆನ್ಸ್ 55 ಮಂದಿ ಸಿಬ್ಬಂದಿ
ಜಿಲ್ಲೆಯಲ್ಲಿ 18 ಆರೋಗ್ಯ ಕವಚ ಆ್ಯಂಬುಲೆನ್ಸ್ಗಳು ಕಾರ್ಯನಿರ್ವಹಿಸುತ್ತಿದ್ದು, 36 ಮಂದಿ ಚಾಲಕರು ಹಾಗೂ 16 ಮಂದಿ ಸ್ಟ್ಾನರ್ಸ್ಗಳಿದ್ದಾರೆ. ಈಗಾಗಲೇ ಸುಮಾರು 18 ಸ್ಟ್ ನರ್ಸ್ ಕೊರತೆ ಕಾಡುತ್ತಿದ್ದು, 3 ಶಿಪ್ಟ್ ಮಾಡಿದ್ದರಿಂದ ಹೆಚ್ಚುವರಿ ಅವಧಿಗೆ ಹೊಸದಾಗಿ 18 ಮಂದಿ ಚಾಲಕರು ಹಾಗೂ 18 ಮಂದಿ ಸ್ಟ್ಾ ನರ್ಸ್ಗಳ ಅಗತ್ಯವಿದೆ.
ಉಡುಪಿ ಜಿಲ್ಲಾಸ್ಪತ್ರೆ, ಮಲ್ಪೆ, ಹಿರಿಯಡಕ ಸೇರಿದಂತೆ ವಿವಿಧ ಕಡೆಗಳಲ್ಲಿ 108 ಆಂಬುಲೆನ್ಸ್ ಸೇವೆ ಅತ್ಯುತ್ತಮವಾಗಿ ಕಾರ್ಯ ನಿರ್ವಹಿಸಿ ರೋಗಿಗಳ ಜೀವವುಳಿಸುವ ಕೆಲಸ ಮಾಡಿದೆ. ಈ ಹಿಂದೆ 2 ಶಿಫ್ಟ್ಗಳಲ್ಲಿ ಕಾರ್ಯಾಚರಿಸುತ್ತಿರುವಾಗ ಯಾವುದೇ ಸಮಸ್ಯೆಯಾಗಿರಲಿಲ್ಲ. ಆದರೆ ಇದೀಗ ಹೊಸ ನಿಯಮದಿಂದ ಸಮಸ್ಯೆ ತಲೆದೋರಿದೆ. ರೋಗಿಗಳಿಗೆ, ಹೆರಿಗೆ ನೋವು ಬಂದ ಮಹಿಳೆಯರಿಗೆ ತುರ್ತು ಸಂದರ್ಭದಲ್ಲಿ ಆಂಬುಲೆನ್ಸ್ ಸಿಗುತ್ತಿಲ್ಲ. ಚಾಲಕರು ರಜೆಯಲ್ಲಿದ್ದರೆ ಪರ್ಯಾಯ ವ್ಯವಸ್ಥೆಯನ್ನು ಮಾಡಲೇಬೇಕು. ಯಾವುದೇ ರೋಗಿಗಳಿಗೆ ಆಂಬುಲೆನ್ಸ್ ಸೇವೆ ಸಿಗದೆ ಅವರ ಜೀವಕ್ಕೆ ಕಂಟಕವಾಗಬಾರದು.
-ವಿಶು ಶೆಟ್ಟ ಅಂಬಲಪಾಡಿ, ಸಮಾಜಸೇವಕ
